Hyderabad Police: భారీ తెరలు, ఆడియో హెచ్చరికలతో వినూత్న ప్రచారం

హైదరాబాద్‌లోని రాచకొండ కమిషనరేట్ పరిధిలో నేరాలను నియంత్రించేందుకు అధునాత చర్యలు చేపడుతున్నట్లు సీపీ మహేశ్ భగవత్ వెల్లడించారు. క్రైమ్‌ను తగ్గించేందుకు పోలీసులు చేపడుతున్న చర్యల్లో భాగంగా శుక్రవారం నగరంలో ప్రత్యేక వ్యవస్థ కలిగిన సంచార వాహనాలను ప్రారంభించారు. దీంతోపాటు ఓ జిమ్‌ను సైతం ప్రారంభించారు. ఈ సంచార వాహనాలు భారీ ఎల్ఈడీ తెర, కమాండ్ కంట్రోల్ వ్యవస్థను కలిగి ఉండడం విశేషం. హైదరాబాద్ అంబర్ పేట్‌లోని సిటీ ఆర్మ్‌డ్ రిజర్వు (కార్) ప్రధాన కార్యాలయంలో జరిగిన కార్యక్రమంలో మహేశ్ భగవత్ మాట్లాడుతూ.. రోడ్డు భద్రత నిబంధనలు ప్రచారం చేయడం సహా మహిళా భద్రత కోసం ఈ సంచార వాహనాలను ప్రవేశపెడుతున్నట్లు సీపీ వివరించారు. భారీ ఎల్ఈడీ తెర కలిగిన సంచార వాహనం ద్వారా ట్రాఫిక్ నిబంధనలను ప్రచారం చేస్తామని వెల్లడించారు.

Also Read: హైదరాబాద్‌లో వర్షాలు.. అరుదైన రికార్డు


Also Read: శుభవార్త..! ఉల్లి ధరలు తగ్గుముఖం, ప్రస్తుతం ఎంతంటే..

పాత వాహనాలకు రూ.15 లక్షలు ఖర్చు పెట్టి, ఏవీ (ఆడియో, వీడియో) వ్యాన్‌ను తయారు చేయించామని సీపీ తెలిపారు. ఈ వ్యాన్‌కు ఓవైపు తెర కాగా, మిగతా వైపు రోడ్డు భద్రత గురించిన పోస్టర్లను ఏర్పాటు చేసినట్లు చెప్పారు. ఎల్ఈడీ తెరపై.. రోడ్డు, మహిళల భద్రత, సైబర్ క్రైమ్ గురించిన వీడియోలు తెరపై ప్రదర్శిస్తూ, ఆడియో ద్వారా హెచ్చరికలు జారీ చేస్తామని చెప్పారు. ఈ వాహనాలను కమిషనరేట్ పరిధిలో రోడ్లపై తిప్పుతామని, ప్రధాన జంక్షన్ల వద్ద నిలిపి ప్రజలకు అవగాహన కల్పిస్తామని వెల్లడించారు.

Also Read: బీటెక్ కోర్సుల్లోకి కొత్త సబ్జెక్టు.. వివరాలు వెల్లడించిన మంత్రి కేటీఆర్


Also Read: మాజీ ఎంపీ కవిత త్వరలో మళ్లీ పార్లమెంటుకు.. ఆ సీటు ఇచ్చేందుకు కసరత్తు?

కమాండ్ కంట్రోల్ వ్యవస్థ కలిగిన వ్యాన్‌ల వల్ల ట్రాఫిక్ సంబంధిత మెషినరీ మెయింటెనెన్స్ సహా, నిఘా వ్యవస్థ ఏర్పాటు చేయడం సులువవుతుందని సీపీ తెలిపారు. బందోబస్తులు ఏర్పాటు చేయాల్సిన సమయంలో కమ్యూనికేషన్ సులువుగా ఉంటుందని వెల్లడించారు. కార్ సిబ్బంది శారీరక దార్ఢ్యం కోసం జిమ్‌ను ఏర్పాటు చేసినట్లు చెప్పారు. కార్యక్రమంలో పోలీసులు ఉన్నతాధికారులు పాల్గొన్నారు.

Also Read: కేసీఆర్ హామీ మేరకు ఆర్టీసీలో కొత్త వ్యవస్థ ఏర్పాటు