Rain Alert: తెలంగాణలో వర్షాలు.. ఏపీ మీదుగా రాష్ట్రంలోకి..

బంగాళాఖాతంలో అల్పపీడనం ప్రభావంతో రెండు తెలుగు రాష్ట్రాల్లో అక్కడక్కడా చెదురుమదురు వర్షాలు కురుస్తున్నాయి. తెలంగాణలోనూ రానున్న మూడు రోజులు వర్షాలు పడే అవకాశం ఉందని వాతావరణ శాఖ తెలిపింది. చెన్నైకి 130 కిలోమీటర్ల దూరంలో ఏర్పడిన అల్పపీడనం వాయుగుండంగా మారనుందని.. తూర్పు ఆగ్నేయ దిశలో కదిలి ఏపీలో తీరం దాటొచ్చని పేర్కొంది. ఏపీ మీదుగా తెలంగాణపై కూడా ప్రభావం ఉంటుందని.. మరో మూడు రోజులు వర్షాలు పడే అవకాశాలు ఉన్నాయని వాతావరణ శాఖ అధికారులు చెబుతున్నారు. రాష్టర్ంలో తేలికపాటి నుంచి ఓ మోస్తరు వర్షాలు కురిసే అవకాశముంది. ఖమ్మం, నల్గొండ, కరీంనగర్, ఆదిలాబాద్ ఉమ్మడి జిల్లాల్లో వర్షాలు కురిసే అవకాశం ఉందని.. హైదరాబాద్ నగరంలోనూ వర్షసూచనలు ఉన్నాయని వాతావరణ శాఖ హెచ్చరించింది. ఇప్పటికే ఈ ఏడాదిలో వర్షాలతో హైదరాబాద్ నగరం అతలాకుతలమైంది.

Also Read: