నీట మునిగిన 100 రైఫిళ్లు.. గగన్ నారంగ్ అకాడమీలోకి వరద

భారీ వర్షాలకు హైదరాబాద్ నగరం నీటిమయం అయిన విషయం తెలిసిందే. దీంతో సిటీలో దాదాపు అన్ని ప్రాంతాలన్నీ నీట మునిగాయి. కొన్ని ప్రాంతాలు జలదిగ్భంధంలో చిక్కుకున్నాయి. భారీ వరద నీరు నేపథ్యంలో షూటర్ గగన్‌ నారంగ్‌ రైఫిళ్లు కూడా నీట మునిగాయి. తిరుమల్‌గిరిలోని నారంగ్‌కు చెందిన ‘గన్‌ ఫర్‌ గ్లోరీ’ అకాడమీ వరద నీటిలో మునిగిపోయింది. అత్యాధునిక 90 రైఫిళ్లు, పిస్టళ్లలో నీళ్లు చేరాయి.

రూ.1.30 కోట్ల సొంత ఖర్చుతో జర్మనీ నుంచి రైఫిళ్లు దిగుమతి చేశారు. నవంబరు 1న గచ్చిబౌలీ షూటింగ్‌ రేంజ్‌లో అకాడమీ ప్లాన్ చేస్తున్నారు. నారంగ్ రెండు నెలల క్రితమే జర్మనీ నుంచి ఈ సామగ్రిని తెప్పించారు. ఒక్కసారి కూడా వాటిని ఉపయోగించలేదుని గగన్ ఆవేదన వ్యక్తంచేశారు. మంగళవారం రాత్రి ఇంటి నుంచి వెళ్లేసరికి అకాడమీలో 8 అడుగుల మేర నీటి చేరింది. అకాడమీ కోసం తొమ్మిదేళ్లు కష్టపడ్డ తమ బృందానికి తీవ్ర నిరాశ కలుగుతోందని గగన్ ఆవేదన వ్యక్తం చేశారు. రైఫిళ్లను తుడిచి ప్లాస్టిక్ కవర్‌పై ఆర బెట్టారు. అవి తిరిగి పనిచేస్తాయన్నది డౌటే మరి.