బంగాళాఖాతంలో మరో అల్పపీడనం.. తెలంగాణలో 3 రోజులు వానలు

వాయువ్య (Northwest) బంగాళాఖాతంలో తీవ్ర అల్పపీడనం కొనసాగుతున్నందున తెలంగాణలో వచ్చే మూడు రోజులు తేలిపాటి నుంచి మోస్తరు వర్షాలు కురిసే అవకాశం ఉన్నట్లు వాతావరణ అధికారులు వెల్లడించారు. పశ్చిమ్ బంగాల్, ఉత్తర ఒడిశా తీరాలను ఆనుకుని వాయువ్య బంగాళాఖాతంలో తీవ్ర అల్పపీడనం కొనసాగుతోందని అధికారులు వివరించారు. దీనికి అనుబంధంగా 7.6 కిలోమీటర్ల ఎత్తు వరకు ఉపరితల ఆవర్తనం కొనసాగుతోందని చెప్పారు. ఇది ఎత్తుకు వెళ్లే కొద్దీ నైరుతి (Southwest) వైపునకు దిశ మారుతుందని పేర్కొన్నారు.

అంతేకాక, ఉత్తర-దక్షిణ ద్రోణి రాయలసీమ నుంచి దక్షిణ తమిళనాడు వరకు 0.9 కిలోమీటర్ల ఎత్తు వరకు కొనసాగుతోందని వివరించారు. ఇక అల్పపీడన ప్రభావంతో తెలంగాణ రాష్ట్రంలో బుధ, గురువారాల్లో అక్కడక్కడ ఉరుములు, మెరుపులతో తేలికపాటి నుంచి ఓ మోస్తరు వర్షాలు చాలా చోట్ల కురిసే అవకాశం ఉందని అధికారులు వెల్లడించారు. ఒకటి రెండు చోట్ల భారీ వర్షాలు కురిసే అవకాశం ఉందని అంచనా వేశారు. ఎల్లుండి తేలికపాటి నుంచి ఓ మోస్తరు వర్షాలు కొన్ని చోట్ల కురిసే అవకాశం ఉందని అధికారులు వివరించారు.

Also Read: undefined