తెలంగాణలో 3 రోజులు మోస్తరు వర్షాలు.. కొన్ని చోట్ల భారీ వానలు

తెలంగాణ రాష్ట్రంలో రానున్న మూడు రోజుల పాటు భారీ నుంచి అతిభారీ వ‌ర్షాలు కురిసే అవకాశం ఉందని హైదరాబాద్ వాతావరణ కేంద్రం అధికారులు అంచనా వేశారు. శుక్ర, శనివారాల్లో ఒకటి రెండుచోట్ల భారీ వర్షాలు కురిసే అవకాశం ఉందని అధికారులు తెలిపారు. ఆంధ్రప్రదేశ్‌ తీరానికి సమీపంలో పశ్చిమ మధ్య బంగాళాఖాతంలో ఈనెల 13న ఒక అల్పపీడనం ఏర్పడే అవకాశం ఉందని వాతావరణ శాఖ అంచనా వేసింది.

మరోవైపు, బిహార్ నుంచి దక్షిణ ఛత్తీస్‌గఢ్ వరకు 1.5 కిలో మీటర్ల ఎత్తు వరకు ఉపరితల ద్రోణి కొన‌సాగుతోంద‌ని, దీని ప్రభావంతో రాష్ట్రంలో అక్కడక్కడా ఉరుములు, మెరుపులతో పాటు తేలికపాటి నుంచి ఒక మోస్తరు వర్షాలు కురిసే అవకాశం ఉందని అధికారులు వివరించారు. ఆదివారం ఒకటి రెండుచోట్ల భారీ నుండి అతి భారీవర్షాలు కురిసే అవకాశం ఉందని అధికారులు వెల్లడించారు.

అటు అల్ప పీడన ప్రభావంతో ఆంధ్రప్రదేశ్‌లోనూ ఉరుములు, పిడుగుల‌తో కూడిన వ‌ర్షాలు కురుస్తాయ‌ని అధికారులు తెలిపారు. అయితే, ఇప్పటికే తెలంగాణలో చెరువులు, జలాశయాలు నిండు కుండను తలపిస్తున్న సంగతి తెలిసిందే. నదులు కూడా పొంగి ప్రవహిస్తున్నాయి. దీంతో గోదావరి పరీవాహక జిల్లాల్లో ముందస్తు సహాయక చర్యలకు అధికారులు సిద్ధమవుతున్నారు.

Also Read: స్వలింగ సంపర్కానికి బ్యాంకు అధికారి ఒప్పందం.. వెళ్లి చూస్తే షాక్! చివరికి ఇద్దరిపైనా కేసుAlso Read: undefined