కరోనాకు యోగాతో చెక్.. రామకృష్ణ మఠం ప్రత్యేక కోర్సు

కరోనా వైరస్ ప్రపంచ దేశాలను వణికిస్తున్న వేళ.. హైదరాబాద్‌లోని రామకృష్ణ మఠం ఓ నివారణ ఉపాయంతో ముందుకొచ్చింది. యోగాసనాల ద్వారా కరోనాను నియంత్రించవచ్చని పేర్కొంది. ఇందుకు అవసరమైన ప్రత్యేక యోగాసనాలకు సంబంధించి తరగతులు నిర్వహిస్తున్నట్లు తెలిపింది. ఔత్సాహిక అభ్యర్థులు దరఖాస్తు చేసుకోవచ్చని ఓ ప్రకటనలో పేర్కొంది.

యోగా సాధన ద్వారా కరోనా లాంటి మహమ్మారిల బారినపడకుండా మనల్ని మనం రక్షించుకోవచ్చని రామకృష్ణ మఠానికి చెందిన ‘వివేకానంద ఇనిస్టిట్యూట్ ఆఫ్ హ్యూమన్ ఎక్స్‌లెన్స్’ పేర్కొంది. నిపుణుల పర్యవేక్షణలో ఇందుకు సంబంధించి ప్రత్యేక తరగతులు నిర్వహిస్తున్నట్లు వెల్లడించింది. ఇందులో భాగంగా వీరభద్రాసనం, ఉస్త్రాసనం, సుప్త వజ్రాసనం, సేతుబంధాసనం, మత్స్యాసనం, ధనురాసనం, సూర్య నమస్కారాలు, ఉజ్జయ్ ప్రాణాయామ, నదిశుద్ధి, ఓంకార మంత్ర పఠనం తదితర ఆసనాలపై శిక్షణ ఇవ్వనున్నారు.

ఈ కోర్సులో ప్రవేశాల కోసం 040 - 27627961 ఫోన్ నంబర్ ద్వారా సంప్రదించవచ్చని వివేకానంద ఇనిస్టిట్యూట్ ఆఫ్ హ్యూమన్ ఎక్స్‌లెన్స్ తెలిపింది. ఈ కోర్సుకు చివరి తేదీ లాంటివి ఏవీ లేవు.

Must Read: కరోనాపై ఫేక్ వార్తలు.. వాట్సాప్ అడ్మిన్, మరో ఇద్దరి అరెస్ట్

ఈ ఆసనాలతో కరోనా దరిచేరదు
వీరభద్రాసనం
ఉస్త్రాసనం
సుప్త వజ్రాసనం
సేతుబంధాసనం
మత్స్యాసనం
ధనురాసన ఆసనం
సూర్య నమస్కారాలు
ఉజ్జయి ప్రాణాయామ ఆసనం
నదిశుద్ధి ఆసనం
ఓంకార మంత్ర పఠనం

పూర్తి వివరాలకు.. వెబ్‌సైట్: rkmath.org

Also Read: తెలంగాణలో ఆరో కేసు.. సెలవులిచ్చింది తిరగడానికి కాదు: ఈటల