ఆర్కే మఠ్‌లో యోగ వేదాంత మెడిటేషన్ కోర్సు.. అందరూ అర్హులే

ఉరుకులు పరుగులు జీవనంలో తమ గురించి తామే పట్టించుకోవడంలేదు. ఏ పని చేయాలన్నా.. మొదట మన మనసుపై నియంత్రణ సాధించాలి. తనపై తాను నియంత్రణ సాధించిన వారిని ప్రపంచంలో ఏ శక్తీ నిలువరించలేదు. అలాంటి వ్యక్తి మెదడు సంపూర్ణ స్వేచ్ఛతో ఉంటుంది. వారు మాత్రమే ఎన్ని అవాంతరాలు ఎదురైనా సంతోషంగా జీవించగలుగుతారు. ఇలాంటి విషయాలు బోధించడంలో హైదరాబాద్‌లో రామకృష్ణ మఠానికి చెందిన స్వామి వివేకానంద ఇన్‌స్టిట్యూట్ ఆఫ్ హ్యూమన్ ఎక్స్‌లెన్స్ (వీఐహెచ్) ముందుటుంది.

‘యోగ వేదాంత మెడిటేషన్’ కోర్సు అందిస్తోంది. ఆధ్యాత్మిక చింతన, ఒత్తిడి నుంచి ఉపశమనం, జీవితంలో సమతౌల్యత సాధించడం ఈ కోర్సు ద్వారా సాధ్యమవుతుందని, ఆసక్తి ఉన్న వారు ఈ కోర్సులో చేరవచ్చని రామకృష్ణ మఠం ఓ ప్రకటనలో తెలిపింది. మొత్తం ఐదు రోజుల కోర్సులో మెడిటేషన్, యోగా గురించి ప్రయోజనాలను వివరించనున్నారు.

డిసెంబరు 23 నుంచి 27 వరకు తరగతులు నిర్వహించనున్నారు. సోమవారం నుంచి శుక్రవారం సాయంత్రం 6.15 నుంచి 7.30 వరకు తరగతులు ఉంటాయి. కోర్సులో చేరడానికి ఫీజు రూ.200. 18 నుంచి 55 ఏళ్లలోపు వయసున్నవారు ఈ కోర్సుకు దరఖాస్తు చేసుకోవచ్చని ఓ ప్రకటనలో తెలిపారు.