KTR: రతన్ టాటా ట్వీట్‌కు కేటీఆర్ స్పందన.. కంటతడి పెట్టిస్తున్న వీడియో

స్ఫూర్తిమంతమైన విషయాలను ఇంటర్నెట్‌లో యువతతో పంచుకోవడంలో టాటా గ్రూపు గౌరవ ఛైర్మన్ రతన్ టాటా ఎప్పుడూ ముందుంటారు. ఈ క్రమంలోనే ఆయన బుధవారం ఓ వీడియోను ట్వీట్ చేశారు. 2.2 నిమిషాల నిడివి ఉన్న ఆ వీడియోలో పెద్ద సందేశం ఉంది. తడి చెత్త, పొడి చెత్తను వేరు చేయాల్సిన ఆవశ్యకతను చాటే లక్ష్యంతో రూపొందించిన వీడియో ఇది. పారిశుద్ధ్య కార్మికుల కష్టాలు, వారి కుటుంబం అనుభవించే వ్యధను ఆ వీడియో కళ్లకు కడుతోంది. దీనిపై కేటీఆర్ స్పందించి రీట్వీట్ చేశారు. ‘‘దయచేసి ఈ వీడియోను చివరివరకూ చూడండి. తడి, పొడి చెత్తలను వేరు చేయడం ద్వారా మన పారిశుద్ధ్య కార్మికులకు మనం ఎలా మేలు చేయగలమో పరిశీలించండి’’ అని ట్వీట్‌లో రాశారు.

స్ఫూర్తిమంతమైన విషయాలను ఇంటర్నెట్‌లో యువతతో పంచుకోవడంలో టాటా గ్రూపు గౌరవ ఛైర్మన్ రతన్ టాటా ఎప్పుడూ ముందుంటారు. ఈ క్రమంలోనే ఆయన బుధవారం ఓ వీడియోను ట్వీట్ చేశారు. 2.2 నిమిషాల నిడివి ఉన్న ఆ వీడియోలో పెద్ద సందేశం ఉంది. తడి చెత్త, పొడి చెత్తను వేరు చేయాల్సిన ఆవశ్యకతను చాటే లక్ష్యంతో రూపొందించిన వీడియో ఇది. పారిశుద్ధ్య కార్మికుల కష్టాలు, వారి కుటుంబం అనుభవించే వ్యధను ఆ వీడియో కళ్లకు కడుతోంది. దీనిపై కేటీఆర్ స్పందించి రీట్వీట్ చేశారు. ‘‘దయచేసి ఈ వీడియోను చివరివరకూ చూడండి. తడి, పొడి చెత్తలను వేరు చేయడం ద్వారా మన పారిశుద్ధ్య కార్మికులకు మనం ఎలా మేలు చేయగలమో పరిశీలించండి’’ అని ట్వీట్‌లో రాశారు.

Samayam Telugu

టాటా ట్రస్ట్ సౌజన్యంతో..

‘‘దాదాపు 50 వేల మంది పారిశుద్ధ్య కార్మికులు ముంబయి నగరంలో అత్యంత దయనీయ పరిస్థితుల్లో పని చేస్తున్నారు. టాటా ట్రస్ట్ సౌజన్యంతో మిషన్ గరిమ అనే కార్యక్రమం ద్వారా వీరికి హానికరం లేకుండా, హైజెనిక్ పరిస్థితులు సృష్టించేందుకు కృషి చేస్తున్నాం.’’ అని రతన్ టాటా ట్వీట్ చేశారు.

కంటతడి పెట్టిస్తున్న వీడియో

2.2 నిమిషాల నిడివి ఉన్న ఆ వీడియోలో ఓ బాలుడు తన తండ్రి చేసే పని గురించి పాఠశాలలో గర్వంగా చెప్పుకుంటాడు. తల్లిదండ్రుల సమావేశంలో అందరిముందు ఈ విషయం చెప్పడంతో అంతా కంటతడి పెట్టుకుంటారు. ఈ వీడియోలో బాలుడు చెప్పిన విషయాలు ఇవీ..

బాలుడు ఏం చెప్పాడంటే..

నా తండ్రి దేశాన్ని నడిపిస్తాడు.. కానీ ఆయన నాయకుడు కాడు, అయినా దేశాన్ని పరుగులెత్తిస్తాడు. అతను డాక్టర్ కూడా కాదు.. అయినా జబ్బులను దూరం చేస్తాడు. నా తండ్రి దేశాన్ని నడిపిస్తాడు.. ఆయన పోలీసు కాదు, అయినా చెడును అడ్డుకుంటాడు. ఆయన ఆర్మీలోకూడా లేరు. అయినా దేశంలోని దుష్ట శక్తులను పారదోలతాడు.

దేశమంతా స్తంభిస్తుంది

నా తండ్రి పనికి వెళ్లకపోతే.. దేశంలోని ఏ ఇల్లూ సరిగ్గా నడవదు. వంట కూడా వండుకోరు.. స్నానాలూ చేయరు.. వీధుల్లో క్రిమికీటకాలు రాజ్యమేలుతాయి. పిల్లలు స్కూళ్లకి.. డాక్టర్లు హాస్పిటళ్లకి వెళ్లరు..మంత్రులు పార్లమెంటుకి కూడా చేరుకోలేరు.. మొత్తం దేశం స్తంభించిపోతుంది.

మురుగు నీటిలో మునిగి...

నా తండ్రి మనందరి జీవనాన్ని సులభం చేస్తున్నాడు. నా తండ్రి చేసే పని దేశంలోని మరే తండ్రి పని చేయాలనుకోరు. ఎందుకంటే ఈ దేశం పొడి చెత్తను, తడి చెత్తను వేరు చేయడం లేదు. నా తండ్రి మురుగునీటిలో మునిగి చెత్తను బయటికి తీస్తున్నాడు. వ్యాధుల లోపలికి వెళ్లివస్తున్నాడు. ఆయన పని నుంచి బయటికి వచ్చినప్పుడు జబ్బు పడినట్లు కనిపిస్తాడు. ఆయన ఈ జబ్బులతోనే చనిపోతారని నేను భయపడుతుంటాను. ఆయన తిరిగి ఇంటికి రారేమో అని కొన్నిసార్లు భయమేస్తుంది.

ప్రతి ఒక్కరితో దేశం నడుస్తోంది

నా తండ్రిని కాపాడండి. ఈ దేశాన్ని నా తండ్రి ఒంటరిగా నడిపే పరిస్థితి వద్దు. ఎందుకంటే దేశం మనలోని ప్రతి ఒక్కరితోనూ నడుస్తోంది.’’ అని ఆ వీడియోలో బాలుడు చెబుతుండడం కంటతడి పెట్టిస్తుంది. రతన్ టాటా ట్వీట్ చేసిన ఆ వీడియోను కింద చూడండి.

Also Read: అక్కడి వాళ్లంతా చచ్చిపోయారా? కేసీఆర్‌పై కేంద్ర మంత్రి సంచలన వ్యాఖ్యలు

Also Read: శాటిలైట్ రైల్వేస్టేషన్‌కు శంకుస్థాపన.. సభలో తలసానికి రైల్వే మంత్రి గట్టి కౌంటర్

Twitter-Ratan N. Tata

Twitter-KTR