Revanth Reddy Accuses Ktr Over Center's Hydroxychloroquine Deal Amid Coronavirus
కరోనాతో కేటీఆర్ ఫ్యామిలీకి కనక వర్షం.. ఆ చీకటిగుట్టు ఇదే: రేవంత్ రెడ్డి
Telangana Coronavirus: చీకటి కోణం బయట పడ్డాక మాట్లాడాల్సి వస్తోందని రేవంత్ వ్యాఖ్యానించారు. ఈ వ్యవహారంలో ముఖ్యమంత్రి కేసీఆర్.. మంత్రి కేటీఆర్ సమాధానం చెప్పాలని డిమాండ్ చేశారు.
Samayam Telugu30 Apr 2020, 7:43 pm
కరోనా వ్యవహారంలో ఓ చీకటి కోణం దాగి ఉందని తెలంగాణ ప్రభుత్వంపై కాంగ్రెస్ ఎంపీ రేవంత్ రెడ్డి సంచలన ఆరోపణలు చేశారు. కేంద్రం నుంచి రాష్ట్రానికి కావాల్సిన నిధుల కోసం కేసీఆర్, మోదీతో సంప్రదింపులు జరుపుతున్నామనుకున్నామని.. కానీ దేశంలో కరోనా వేళ ఓ చీకటి కోణం నడుస్తోందని రేవంత్ రెడ్డి ఆరోపించారు. దీని వెనుక ముఖ్యమంత్రి కేసీఆర్, కేటీఆర్ ఉన్నారని ధ్వజమెత్తారు. ఎంపీ రేవంత్ రెడ్డి గురువారం మీడియాతో మాట్లాడారు. సోనియా గాంధీ పిలుపు మేరకు కేంద్ర రాష్ట్ర ప్రభుత్వాలకు కాంగ్రెస్ శ్రేణులు మద్దతుగా ఉన్నాయని.. అందుకే ఈ మధ్య ప్రభుత్వం చేస్తున్న పనులపై నోరు మెదపడం లేదని అన్నారు. అయితే, ఈ చీకటి కోణం బయట పడ్డాక మాట్లాడాల్సి వస్తోందని వ్యాఖ్యానించారు. ఈ వ్యవహారంలో ముఖ్యమంత్రి కేసీఆర్.. మంత్రి కేటీఆర్ సమాధానం చెప్పాలని డిమాండ్ చేశారు. కేటీఆర్ బావ మరిది అయిన వ్యక్తికి లబ్ధి చేకూర్చేందుకే ఈ చీకటి కోణం జరుగుతోందని విమర్శలు చేశారు. పూర్తి వివరాలు రేవంత్ రెడ్డి మాటల్లోనే..
ఆయన కేటీఆర్ బావమరిది
‘‘తెలంగాణలో లక్సాయ్ లైఫ్ సైన్స్ అనే సంస్థ ఉంది. దీని డైరెక్టర్ పాకాల రాజేంద్ర ప్రసాద్. ఈయన మంత్రి కేటీఆర్కు బావ మరిది. 2018లో ఈయన ఆ సంస్థలో డైరెక్టర్గా చేరగానే అందులోకి రూ.వందల కోట్లు పెట్టుబడులు వచ్చాయి. ఆ వివరాలు మరో సందర్భంలో చెబుతా. కరోనాను తరిమి కొట్టేందుకు మార్చి 21న కేంద్ర ప్రభుత్వం ఆమోదించిన పాలసీ మేరకు హైడ్రాక్సీ క్లోరోఫిన్ మాత్రలు దేశీయ ముడిసరకుతోనే ఇక్కడే తయారు చేయాలని నిర్ణయించారు. ఇందుకోసం రూ.10 వేల కోట్లు కేటాయించారు. మాత్రల కోసం కొన్ని సంస్థలతో ఒప్పందం చేసుకున్నారు.’’
‘గల్లీ సంస్థతో ఒప్పందమా’
‘‘ఈ పాలసీ ఇండియన్ ఇన్స్టిట్యూట్ ఆఫ్ కెమికల్ టెక్నాలజీ ద్వారా జాయింట్ వెంచర్స్ చేసి ఉత్పత్తి చేయాల్సి ఉంటుంది. రాజేంద్ర ప్రసాద్ పాకాల సంస్థ అయిన లక్సాయ్ లైఫ్ సైన్సెస్ సంస్థతో మాత్రల తయారీకి ఒప్పందం చేసుకున్నారు. కరోనా నేపథ్యంలో కేసీఆర్ ప్రభుత్వం గొప్పగా పని చేస్తోందని మేమంతా అనుకున్నాం. కానీ, అది నిజం కాదని తేలిపోయింది. ఇండియన్ ఇన్స్టిట్యూట్ ఆఫ్ కెమికల్ టెక్నాలజీ లక్సాయ్ లైఫ్ సైన్సెస్తో చేసుకున్న ఒప్పందం ఏమాత్రం సరైంది కాదు. ఎందుకంటే లక్సాయ్ లైఫ్ సైన్సెస్ అనేది ఓ గల్లీ సంస్థ. దాన్ని విలువ కేవలం రూ.14 కోట్లు అయితే, పాకాల డైరెక్టర్గా వచ్చాక రూ.150 కోట్లు పెట్టుబడులు వచ్చాయి.’’
Twitter-Revanth Reddy
దిగ్గజ సంస్థలను కాదని..
‘‘ప్రపంచ వ్యాప్తంగా మందులు ఎగుమతి చేస్తున్న దిగ్గజ సంస్థలు తెలంగాణలో ఉండగా.. ఈ గల్లీ సంస్థతో ఒప్పందం చేసుకోవాల్సిన అవసరం ఏంటి? ఈ సంస్థకు లబ్ధి చేకూర్చేందుకే ఏప్రిల్ 25 నాడు ఈ ఒప్పందం జరిగింది. ప్రపంచంలో అమెరికా సహా దాదాపు 50 దేశాలకు ఎగుమతులు చేయాల్సిన హైడ్రాక్సీ క్లోరోక్విన్ మందులను దిగ్గజ సంస్థలను కాదని ఆ సంస్థకు ఎలా ఇస్తారు? లక్సాయ్ లైఫ్ సైన్సెస్ సంస్థకు సాంకేతిక సామర్థ్యం, గతంలో ఆ సంస్థ బాగా పర్ఫార్మ్ చేసి ఉంటే సమస్య ఉండేది కాదు. కనీసం రాజేంద్ర పాకాలకు సైన్స్ రంగంలో ఎలాంటి అనుభం లేదు. దానికి సంబంధించి నైపుణ్యం అతనికి లేదు. ఇతనికి ఉన్న ఏకైక అర్హత కేటీఆర్కు బావ మరిది కావడం.’’
‘కేసీఆర్, కేటీఆర్ సమాధానం చెప్పాలి’
‘‘ముఖ్యమంత్రి పదవిని తాకట్టు పెట్టి సీఎం కేసీఆర్ కేంద్రం నుంచి తెలంగాణకు రావాల్సిన నిధులను రాకుండా అడ్డుకుంటున్నారు. ఈ వ్యవహారం వెనుక ఉన్న మతలబు ఏంటో వివరించాలి. ప్రపంచవ్యాప్తంగా ఇంత ఉపద్రవం తలెత్తినా తెలంగాణ పాలకులు తమ వ్యాపార దృక్ఫథాన్ని వదల్లేదు. ఇలాంటి పరిస్థితుల్లో దీని వెనక ఏం జరుగుతుందో చెప్పాల్సిన అవసరం కేసీఆర్, కేటీఆర్పైన ఉంది. ఇలాంటి అర్హత లేని కంపెనీలతో కేంద్రం ఒప్పందం కుదుర్చుకోవడం పట్ల తెలంగాణ బీజేపీ తెలంగాణ ప్రజలకు ఏం సమాధానం చెబుతుంది? ప్రజలకు వివరించే బాధ్యత మీపై లేదా బండి సంజయ్ గారూ..’’ అని రేవంత్ రెడ్డి ప్రశ్నించారు.
Also Read: తెలంగాణలో కరోనా కేసులపై కేంద్రం కీలక వ్యాఖ్యలు
We use cookies and other tracking technologies to provide services in line with the preferences you reveal while browsing the Website to show personalize content and targeted ads, analyze site traffic, and understand where our audience is coming from in order to improve your browsing experience on our Website. By continuing to browse this Website, you consent to the use of these cookies. If you wish to object such processing, please read the instructions described in our privacy policy/cookie policy.