యాప్నగరం

లోకల్ టాలెంట్.. పవర్ టిల్లర్‌ రూపొందించిన మెకానిక్.. కలుపు సమస్యకు చెక్!

మెట్ట పంటలను సాగు చేసే రైతులను కలుపు సమస్య, కూలీల కొరత తీవ్రంగా ఇబ్బంది పెడుతుంది. ఈ సమస్యకు పరిష్కారంగాా ఓ మెకానిక్ పవర్ టిల్లర్‌ను రూపొందించాడు.

Samayam Telugu 13 Aug 2020, 11:39 am
పొలంలో కలుపు మొక్కలను తొలగించడం అతిపెద్ద సమస్యగా మారింది. పత్తి, మిరప లాంటి వాణిజ్య పంటలను సాగు చేసేటప్పుడైతే ఈ సమస్య రైతులను మరింతగా ఇబ్బంది పెడుతుంది. కూలీల కొరత కారణంగా రైతులు తీవ్ర ఇబ్బందులను ఎదుర్కొంటున్నారు. రైతుల అవస్థలను గమనించిన ఓ మెకానిక్ వారికి సహయకారిగా ఉండటం కోసం ఓ పవర్ ట్రిల్లర్ రూపొందించాడు.
Samayam Telugu sircilla mechanic power tiller


సిరిసిల్ల జిల్లా ఎల్లారెడ్డిపేట మండలం బొప్పాపూర్‌కు చెందిన రాగి కిషన్ (55) అనే వ్యక్తి 35 ఏళ్లుగా గొల్లపల్లిలో మెకానిక్‌ వర్క్‌షాప్ నడుపుతున్నాడు. గొల్లాపూర్ చుట్టుపక్కల ఊళ్లలో మోటార్ సైకిళ్లు, జీపులు, వ్యాన్లు, జేసీబీలు, హార్వెస్టర్లు తదితర వాహనాలను రిపేర్ చేయాలంటే ముందుగా ఎవరికైనా కిషన్ పేరే గుర్తుకొస్తుంది.

కలుపుతీత కోసం రెండు అడుగుల వెడల్పు, ఆరు అడుగుల పొడవుతో పవర్ టిల్లర్‌ను కిషన్ రూపొందించాడు. పత్తి చేనులో కలుపు తీయడానికి ఉపకరించేలా ఈ టిల్లర్‌ను తయారు చేశాడు. దీనికి ఉండే మూడు ఫ్లౌలు, బ్లేడ్ సాయంతో ఇది కలుపు మొక్కలను తొలగిస్తుంది. ఈ పవర్ టిల్లర్ సాయంతో మూడు లీటర్ల డీజిల‌్‌తో రెండు గంటల్లోనే ఎకరం పొలంలో కలుపు తీయొచ్చు. దీన్ని రోడ్ల మీద కూడా తేలికగా నడపొచ్చు.

సెకండ్ హ్యాండ్ ఇంజిన్ ఉపయోగించి రూ.45 వేల ఖర్చుతో కిషన్ ఈ పవర్ టిల్లర్‌ను తయారు చేశాడు. కొత్త ఇంజిన్ వాడితే మరో 25 వేల వరకు అదనంగా ఖర్చవుతుందని తెలిపాడు. రొటోవేటర్, పురుగుల మందును చల్లే స్పింక్లర్స్‌ను కూడా ఈ పవర్ టిల్లర్‌కు అమర్చాలని కిషన్ భావిస్తున్నాడు.

ఈ మెకానిక్ ఆవిష్కరణ మంత్రి కేటీఆర్ దృష్టికి రావడంతో.. ఈ ఐడియా విషయమై దృష్టి సారించాలని టీవర్క్స్ టీంకు మంత్రి సూచించారు. వ్యవసాయ శాఖ మంత్రికి ఈ ఆవిష్కరణను చూపించాలన్నారు.

తరవాత కథనం

Telugu News App: ఏపీ, తెలంగాణకు సంబంధించిన లేటెస్ట్ అప్‌డేట్స్‌, జాతీయ, అంతర్జాతీయ, ఎడ్యుకేషన్, బిజినెస్, సినిమా, ఆధ్యాత్మికం, స్పోర్ట్స్, వైరల్ కథనాల కోసం తెలుగు సమయం యాప్‌ను డౌన్‌లోడ్ చేసుకోండి.
తాజా వార్తల అప్డేట్ల కోసం Samayam Telugu ఫేస్‌బుక్పేజీను లైక్ చెయ్యండి.