సిరిసిల్లలో వ్యభిచార గృహం.. అద్దె ఇంట్లో గుట్టుగా దందా, పలువురు అరెస్టు

సిరిసిల్లలో వ్యభిచార దందాను పోలీసులు బట్టబయలు చేశారు. పట్టణంలోని విద్యానగర్‌లో ఓ ఇంట్లో రహస్యంగా వ్యభిచారం రాకెట్‌ను నిర్వహిస్తున్నారు. దీనిపై సమాచారం అందుకున్న పోలీసులు ఆ ఇంటిపై దాడి చేశారు. మంగళవారం సాయంత్రం టాస్క్‌ఫోర్స్‌ పోలీసులు ఆకస్మిక దాడులు చేయగా.. వ్యభిచార గృహంలో నలుగురిని అరెస్టు చేశారు. ఎస్పీ రాహుల్‌ హెగ్డే ఆదేశాల మేరకు టాస్క్‌ఫోర్స్‌ సీఐ రవికుమార్‌ ఆధ్వర్యంలో సిబ్బంది దాడులు జరిగాయి.

సిరిసిల్లలోని విద్యానగర్‌లో ఓ మహిళ ఇల్లు అద్దెకు తీసుకొని వ్యభిచారం నిర్వహిస్తుందని పోలీసులకు సమాచారం అందింది. దీంతో ఇంటిపై దాడి చేసి పోలీసులు నలుగురిని అదుపులోకి తీసుకున్నారు. వారిని సిరిసిల్ల టౌన్‌ పోలీస్‌ స్టేషన్‌కు తరలించారు. హైదరాబాద్‌ అంబర్‌పేటకు చెందిన మహిళతో పాటు సిరిసిల్లకు చెందిన ఇద్దరు నిర్వహకులను, వేములవాడకు చెందిన ఓ విటుడిని పోలీసులు అరెస్ట్‌ చేశారు.