Yadadri: కంటతడి పెట్టించే స్థితిలో ముగ్గురు పిల్లలు.. మళ్లీ సోనూసూద్ గొప్ప ఉదారత

సమస్యల్లో ఉన్నవారికి నేనున్నానంటూ సినీ న‌టుడు సోనూసూద్‌ అండగా నిలుస్తున్నారు. సినిమాల్లో ప్రతినాయక పాత్రలు పోషించే ఆయన నిజజీవితంలో ఎంతో మందికి ఆపన్న హస్తం అందించి రియల్ హీరో అని పిలిపించుకుంటున్నారు. లాక్ డౌన్ సమయంలో వేలాది మంది వలస కార్మికులను గమ్యాలకు చేర్చడం, విదేశాల్లో చిక్కుకున్న విద్యార్థులను, ఇతరులను స్వదేశానికి రప్పించడం కోసం ఆయన ఎంతగానో శ్రమించారు. ఇటీవల ఏపీలో మదనపల్లె రైతుకు ట్రాక్టర్ అందించడం, వరంగల్ జిల్లాలో లాక్ డౌన్ వల్ల సాఫ్ట్‌వేర్ ఉద్యోగం పోయి కూరగాయలు అమ్ముకుంటున్న శారదకు ఉద్యోగం ఇప్పించడం వంటి ఘటనలతో ఇక్కడా ఆయన ఎనలేదని ఆదరణను చూరగొన్నారు. అయితే, తాజాగా యాదాద్రి భున‌వ‌గిరి ముగ్గురు అనాథలైన పిల్లలకు చేయూతనందించి సోనూసూద్ మళ్లీ తన ఉదారతను చాటుకున్నారు.

యాదాద్రి భున‌వ‌గిరి జిల్లా ఆత్మకూరు మండ‌ల‌ కేంద్రంలో స‌త్యనారాయ‌ణ, అనురాధ‌కు ముగ్గురు సంతానం. ఇటీవలే ఈ ముగ్గురు పిల్లలు వారి తల్లిదండ్రులను కోల్పోయారు. దీంతో ఆ పిల్లలు దిక్కులేని వారయ్యారు. స‌త్యనారాయ‌ణ‌ ఏడాది క్రితం అనారోగ్యంతో మృతి చెందాడు. అప్పటి నుంచి త‌ల్లి అనురాధ కూలిపనులు చేసుకుంటూ ముగ్గురు పిల్లల‌ను పోషిస్తోంది. వారం క్రితం త‌ల్లి అనురాధ అనారోగ్యంతో మృతి చనిపోయింది.Must Read:లంచం తిరిగిచ్చేస్తా.. ఎమ్మార్వో ‘నిజాయతీ’

దీంతో పెద్ద కుమారుడు మ‌నోహ‌ర్ త‌న చెల్లి, త‌మ్ముడి ఆల‌నా పాల‌నా చూసుకుంటున్నాడు. హృద‌య‌విదార‌క‌మైన ఈ చిన్నారుల దీన‌స్థితిని రాజేశ్ క‌ర‌ణం అనే వ్యక్తి ట్విటర్‌లో పోస్ట్ చేశాడు. దీనికి సోనూసూద్‌ను ట్యాగ్ చేశాడు. దీనిపై స్పందించిన సోనూసూద్‌.. ముగ్గురు పిల్లలు ఇకపై అనాథ‌లు కాద‌ని, ఇక‌పై వారి బాధ్యత తాను తీసుకుంటానని కొండంత భరోసా ఇచ్చారు.Must Read:undefined