గంగా పుష్కరాలకు వెళ్తున్నారా?.. అయితే మీకో గుడ్‌న్యూస్

Ganga Pushkaralu 2023: ప్రతి నదికి పన్నెండేళ్లకు ఓసారి పుష్కరాలు జరుగుతాయన్న విషయం తెలసిందే. ఈ ఏడాది (2023) గంగానదికి పుష్కారాలు జరుగుతున్నాయి. 12 రోజుల పాటు పుష్కరాలు జరగనుండగా.. ఇప్పటికే పుష్కర స్నానాలు ప్రారంభమయ్యాయి. ఏప్రిల్ 22 న పుష్కరాలు ప్రారంభం కాగా.. మే 3 వరకు పుష్కరాలు జరగనున్నాయి. ఇప్పటేకి గంగానది తీరాలు పుష్కరశోభను సంతరించుకున్నాయి. గంగా నది తీర ప్రాంతాలైన గంగోత్రి, గంగాసాగర్‌, హరిద్వార్‌, బదిరీనాథ్‌, కేదారనాథ్‌, వారణాసి, అలహాబాద్‌ క్షేత్రాల్లో పుష్కర స్నానాలకు ఘాట్లు సిద్ధమయ్యాయి. అయితే జంటనగరాల (హైదరాబాద్, సికింద్రాబాద్) నుంచి పుష్కరాలకు వెళ్లేవారికి సౌత్ సెంట్రల్ రైల్వే (South Central Railway) గుడ్ న్యూస్ చెప్పింది. గంగా పుష్కరాల సందర్భంగా ప్రయాణికుల రద్దీని తగ్గించేందుకు కీలక నిర్ణయం తీసుకుంది. పుష్కరాలకు వెళ్లే భక్తుల కోసం సికింద్రాబాద్ - బనారస్ మధ్య నాలుగు స్పెషల్ ట్రైన్లు నడిపేందుకు సిద్ధమైంది. ఈ స్పెషల్ ట్రైన్లు.. ఇవాళ (ఏప్రిల్ 29) నుంచి మే 5 మధ్య సేవలందిస్తాయి. ఇవాళ సికింద్రాబాద్ నుంచి రాత్రి 9.40 గంటలకు ఓ ట్రైన్ బయల్దేరి మే 1 ఉదయం 06.30 గంటలకు బనారస్ చేరుకుంటుంది. తిరుగు ప్రయాణంలో అదే రోజు ఉదయం 08.35 గంటలకు బనారస్ నుంచి ట్రైన్ బయల్దేరి సాయంత్రం 6.15 గంటలకు సికింద్రాబాద్ చేరుకుంటుంది.

మే 2న సికింద్రాబాద్ నుంచి రెండో రైలు రాత్రి 9.40 గంటలకు బనారస్ బయలుదేరుతుంది. ఇలా మే 5 వరకు ఈ ట్రైన్లు నిరంతరం ప్రయాణిస్తునే ఉంటాయని సౌత్ సెంట్రల్ రైల్వే అధికారులు వెల్లడించారు. ఈ ట్రైన్లు జనగాం, కాజీపేట్, పెద్దపల్లి, రామగుండం, బెల్లంపల్లి, సిర్పుర్‌ కాగజ్‌నగర్, బల్హర్షా, నాగ్‌పూర్, ఇటాలియన్, పిపారియా, జబల్‌పూర్, కట్ని జంక్షన్, శాంతా, మణిపూర్, ప్రయాగ్‌రాజ్ ఛోకీ స్టేషన్లలో ఆగుతాయని అధికారులు చెప్పారు. ఈ అవకాశాని రైల్వే ప్రయాణికులు వినియోగించుకోవాలని సూచించారు.

Read More Telangana News And Telugu News