గ్రేటర్ ఎన్నికల గుర్తుల కేటాయింపు.. జనసేనకు దక్కిన గాజు గ్లాసు

మరో పది రోజుల్లో గ్రేటర్ ఎన్నికల పోలింగ్ జరగనుంది. ఈ నేపథ్యంలో ఎన్నికల సంఘం పలు పార్టీలకు ఎన్నికల గుర్తుల్ని కేటాయించింది. గ్రేటర్ హైదరాబాద్ ఎన్నికల బరిలో నిలిచిన పార్టీలకు ఎన్నికల కమిషన్ గుర్తులు కేటాయించింది. జనసేన సహా ఐదు పార్టీలకు గుర్తులు ఈసీ కేటాయించింది. తమకు గుర్తులు కేటాయించాల్సిందిగా ఈసీకి ధరఖాస్తు చేసుకున్నాయి. దీంతో ఐదేళ్ల కాలానికి గుర్తులను కేటాయించింది రాష్ట్ర ఎన్నికల సంఘం.

ఎన్నికల్లో పోటీ చేస్తున్న తమకు గుర్తులు కేటాయించాల్సిందిగా కోరుతూ బరిలోకి దిగిన పలు పార్టీలు కోరాయి. పరిశీలించిన ఈసీ జనసేన సహా ఐదు పార్టీలకు ఐదేళ్ల కాలానికి గుర్తులు కేటాయించింది. జనసేన పార్టీకి గాజు గ్లాసు గుర్తు కేటాయించగా, హిందూస్తాన్ జనతా పార్టీకి కొబ్బరితోట, ఇండియా ప్రజాబంధు పార్టీకి ట్రంపెట్, మార్క్సిస్ట్ కమ్యూనిస్ట్ పార్టీ ఆఫ్ ఇండియా యునైటెడ్ పార్టీకి గ్యాస్ సిలిండర్, ఇండియన్ ప్రజా కాంగ్రెస్ పార్టీకి ఈల గుర్తులను ఈసీ కేటాయించింది. జనసేనకు గాజు గ్లాసు దక్కడంతో ఆ పార్టీ నేతలు కార్యకర్తలు సంతోషం వ్యక్తం చేస్తున్నాయి.

Read More: మాటలు జాగ్రత్త.. సీనియర్ నేతపై కవిత సీరియస్

మరోవైపు గ్రేటర్ ఎన్నికల వేళ ఎన్నికల ప్రవర్తన నియామవళిని కూడా రాష్ట్ర ఎన్నికల కమిషన్ విడుదల చేసింది. అభ్యర్థులకు, పార్టీలకు ఈసందర్భంగా పలు సూచనలు చేసింది. పర్మిషన్‌ లేకుండా లౌడ్‌ స్పీకర్లు ఉపయోగించకూడదని... రికార్డింగ్‌ చేసిన ఉపన్యాసాలు వాటిని వాడాలని తెలిపింది. బహిరంగ సభలు, రోడ్‌ షోలలో ఉదయం 6 గంటల నుంచి రాత్రి 10 గంటల వరకు... ఇతర ప్రచారాల కోసం ఉదయం 10 గంటల నుంచి సాయంత్రం 6 గంటల వరకు మాత్రమే మైక్‌లు ఉపయోగించాలని షరతులు పెట్టింది. ఎన్నికల పోలింగ్ ముగియడానికి 48 గంటల ముందు నుంచి అభ్యర్థి తన ఎన్నికల నిమిత్తం ప్రజలకు, సినిమాటోగ్రఫి, టెలివిజన్ లేదా ఇతర తత్సమాన ప్రచార సాధనాలు వినియోగించుటంపై కూడా నిషేధం విధించారు ఎన్నికల అధికారులు.