Sukesh Chandrasekhar Released Whatsapp Screen Shots Saying That He Chatted With Mlc Kavitha
MLC Kavitha:'అక్కా.. నెయ్యి డెలివర్డ్'.. సుఖేష్ వాట్సప్ చాట్ రిలీజ్, విస్తుపోయే అంశాలు
Sukesh Chandrasekhar: మనీ లాండరింగ్ కేసులో తీహార్ జైలులో శిక్ష అనుభవిస్తున్న సుఖేష్ చంద్రశేఖర్ జైలు నుంచి మరో సంచలన లేఖ రిలీజ్ చేశారు. ఈ సారిలో లేఖతో పాటు తన వాట్సాప్ చాట్‌ను సుఖేష్ బయటపెట్టారు. కవితక్క - టీఆర్ఎస్ అనే నంబర్‌తో సుఖేష్ చాట్ చేయటం కలకలం రేపుతోంది.
Delhi Liquor Scam: ఢిల్లీ లిక్కర్ కేసు వ్యవహారంలో సుఖేష్ చంద్రశేఖర్ మరో బాంబ్ పేల్చాడు. మనీ లాండరింగ్ కేసులో అరెస్టై.. జైలులో ఉన్న అతను మరో లేఖ విడుదల చేశారు. లేఖతో పాటు తన వాట్సాప్ చాట్‌ను బయటపెట్టడం సంచలనంగా మారింది. ఎమ్మెల్సీ కవితతో తాను జరిపిన చాట్ ఇదేనంటూ స్క్రీన్ షాట్స్ రిలీజ్ చేశాడు. కవితక్క - టీఆర్ఎస్ అనే నంబర్‌తో తాను చాట్ చేసినట్లు సుఖేశ్ లేఖలో తెలిపాడు. AK, SJ, AP, సిస్టర్‌ పేర్లతో కోడ్ భాషలో చాటింగ్ చేసినట్లు సుఖేష్ తెలిపారు. 15 కేజీల నెయ్యి డెలివరీ చేశానని కోడ్ భాషలో సుఖేష్ చాట్‌లో తెలిపాడు. మొత్తం 6 పేజీల లేఖతో పాటు కవితతో చేసినట్లుగా చెప్పుకుంటున్న వాట్సప్ స్కీన్ షాట్స్ రిలీజ్ చేయటం రాజకీయాల్లో ప్రకంపనలు సృష్టిస్తోంది.
Samayam Teluguఢిల్లీ లిక్కర్ కేసు
గతంలోనూ సుకేష్ తన లాయర్ ద్వారా లేఖలు విడుదల చేశారు. దిల్లీ అరవింద్ కేజ్రీవాల్‌తో తాను చేసిన మొత్తం 700 పేజీల వాట్సాప్, టెలిగ్రామ్ చాట్‌లు చేశానని సుఖేష్ చంద్రశేఖర్ లేఖ ద్వారా వెల్లడించారు. అందులో కేజ్రీవాల్ చెప్పినట్లుగా తాను రూ. 75 కోట్లను.. హైదరాబాద్ బీఆర్ఎస్ ఆఫీస్ వద్ద ఏకే అనే వ్యక్తికి ఇచ్చినట్లుగా చెప్పుకొచ్చారు. కేజ్రీవాల్ ఆదేశాల మేరకే బీఆర్ఎస్ ఆఫీసు ప్రాంగణంలోనే రేంజ్ రోవర్‌లో ఉన్న ఏపీ అనే వ్యక్తికి ఆ డబ్బు ఇచ్చినట్లు చెప్పాడు. ఏపీ అనే వ్యక్తి కూర్చున్న రేంజ్ రోవర్ కారు నెంబర్ 6060 అని కూడా సుకేశ్ లేఖలో పేర్కొన్నాడు.
అయితే.. ఏపీ అంటే ఎవరు అన్నది మాత్రం ఆసక్తికరంగా మారింది. ఏపీ అంటే అరుణ్ రామచంద్ర పిళ్లైయా ?.. లేక మరో వ్యక్తా ? అన్నది మాత్రం ఉత్కంఠగా మారింది. ఈ కేసుకు సంబంధించిన స్క్రీన్ షాట్లు వరుసగా రిలీజ్ చేస్తానని ప్రకటించారు. కేజ్రీవాల్‌కు 2020కి సంబంధించిన చాట్ ట్రైలర్‌ను చూపించబోతున్నానని చెప్పారు. ఆ ప్రకారం ఇప్పుడు కవితతో జరిగిన స్క్రీన్ షాట్లను లాయర్ బయటపెట్టడం రాజకీయంగానూ చర్చనీయాంశం అవుతోంది.
సుఖేష్ రిలీజ్ చేసిన చాట్ (తెలుగులో) AK బ్రదర్ ప్యాకేజి ఇవ్వాల్సి ఉంది - సుఖేష్ అవును, ఓకే - (కవిత పేరుతో ఉన్న నెంబర్ నుంచి రిప్లై) దాన్ని JH కు పంపించాలా? - సుఖేష్ నోనో, అరుణ్‌ను నీకు కాల్ చేయమని చెబుతా - కవిత దాన్ని ఆఫీసుకు పంపించాలి - కవిత ఓకే అక్కా.. - సుఖేష్ అతను నీకు త్వరలో కాల్ చేస్తాడు - కవిత దాన్ని ఈ రోజే మీకు పంపించాలని SJ బ్రదర్ చెప్పారు - సుఖేష్ అవును - కవిత నేను మొత్తం కోఆర్డినేట్ చేసుకుంటాను అక్కా - సుఖేష్ నాన్న ఆరోగ్యం ఎలా ఉంది? - కవిత థ్యాంక్స్ అక్కా, కీమో చికిత్స తీసుకుంటున్నారు - సుఖేష్ ఆయన బయటపడతారు - కవిత ఓకే అక్కా, ఎనీటైమ్. కేసీఆర్ గారికి నా నమస్కారాలు చెప్పండి - సుఖేష్ అక్కా. సరుకు డెలివరీ అయింది - సుఖేష్ ఓకే - కవిత అక్కా.. దయచేసి AK లేదా SJ కు inform చేయగలరు - సుఖేష్ మనీశ్‌తో మాట్లాడా - కవిత
సందీప్ పూల సమయం తెలుగులో డిజిటల్ కంటెంట్ ప్రొడ్యూసర్‌గా పని చేస్తున్నారు. ఇక్కడ ఏపీ, తెలంగాణకు సంబంధించిన తాజా వార్తలు, రాజకీయ వార్తలు, ప్రత్యేక కథనాలు అందిస్తుంటారు. ఆయనకు జర్నలిజంలో 5 సంవత్సరాలకు పైగా అనుభవం ఉంది. గతంలో ప్రముఖ మీడియా సంస్థల్లో పొలిటికల్ న్యూస్, ఇతర రంగాలకు సంబంధించి వార్తలు రాశారు.... మరిన్ని చదవండి
We use cookies and other tracking technologies to provide services in line with the preferences you reveal while browsing the Website to show personalize content and targeted ads, analyze site traffic, and understand where our audience is coming from in order to improve your browsing experience on our Website. By continuing to browse this Website, you consent to the use of these cookies. If you wish to object such processing, please read the instructions described in our privacy policy/cookie policy.
