Telangana Cabinet Decides Construct A New Dam On Godavari River Near Dummugudem
Telangana Cabinet భేటీ: సాగునీటి రంగంలో కీలక నిర్ణయాలు
రాష్ట్ర మంత్రివర్గం సమావేశం బుధవారం ప్రగతి భవన్లో జరిగింది. సుమారు 5 గంటల పాటు జరిగిన ఈ సమావేశంలో మంత్రి వర్గం పలు కీలక నిర్ణయాలు తీసుకుంది. దుమ్ముగూడెం వద్ద కొత్త ఆనకట్ట సహా, కాళేశ్వరం ప్రాజెక్టులో భాగంగా మధ్య మానేరుకు మూడో టీఎంసీ నీటిని తరలించేందుకు కేబినెట్ ఆమోదం తెలిపింది. అంతేకాక, రాష్ట్ర ఆదాయం తగ్గడం, కేంద్రం పన్నుల వాటా బకాయిలను విడుదల చేయకపోవడం వల్ల ఆర్థిక పరిస్థితి ఆందోళనకరంగా మారినందున ఆర్థిక నియంత్రణ పాటించాలని మంత్రిమండలి నిర్ణయించింది. పూర్తి వివరాలివీ...
Samayam Telugu12 Dec 2019, 3:21 pm
రాష్ట్ర మంత్రివర్గం సమావేశం బుధవారం ప్రగతి భవన్లో జరిగింది. సుమారు 5 గంటల పాటు జరిగిన ఈ సమావేశంలో మంత్రి వర్గం పలు కీలక నిర్ణయాలు తీసుకుంది. దుమ్ముగూడెం వద్ద కొత్త ఆనకట్ట సహా, కాళేశ్వరం ప్రాజెక్టులో భాగంగా మధ్య మానేరుకు మూడో టీఎంసీ నీటిని తరలించేందుకు కేబినెట్ ఆమోదం తెలిపింది. అంతేకాక, రాష్ట్ర ఆదాయం తగ్గడం, కేంద్రం పన్నుల వాటా బకాయిలను విడుదల చేయకపోవడం వల్ల ఆర్థిక పరిస్థితి ఆందోళనకరంగా మారినందున ఆర్థిక నియంత్రణ పాటించాలని మంత్రిమండలి నిర్ణయించింది. పూర్తి వివరాలివీ...
cabinet1
ఆమోదం పొందిన కీలక నిర్ణయాలివే..
దుమ్ముగూడెం వద్ద కొత్త ఆనకట్ట
320 మెగావాట్ల సామర్థ్యంతో విద్యుత్ ఉత్పత్తి చేసే విధంగా దుమ్ముగూడెంలో గోదావరి నదిపై ఆనకట్ట నిర్మించాలని రాష్ట్ర మంత్రివర్గం నిర్ణయించింది. రూ.3,482 కోట్ల అంచనా వ్యయంతో నిర్మించే ఈ బ్యారేజికి అయ్యే ఖర్చును రెండు సంవత్సరాల బడ్జెట్లలో కేటాయించాలని నిర్ణయం తీసుకున్నారు. దుమ్ముగూడెం వద్ద ఏడాదికి ఐదారు నెలల పాటు పుష్కలంగా నీటి లభ్యత ఉంటుంది కాబట్టి, ఆ సమయంలో తక్కువ ఖర్చుతో విద్యుత్ ఉత్పత్తికి అవకాశం ఉంటుంది. 37 టీఎంసీల నీటి నిల్వ సామర్థ్యంతో 63 మీటర్ల ఎత్తులో, భూసేకరణ అవసరం లేకుండా నదిలోనే నీళ్లు నిల్వ చేసేలా ఆనకట్ట నిర్మాణం చేపట్టవచ్చని అధికారులు తెలిపారు. ఈ ప్రతిపాదనకు కేబినెట్ ఆమోదం తెలిపింది.
3 టీఎంసీలు తరలించేలా నిర్ణయం
కాళేశ్వరం ప్రాజెక్టులో భాగంగా మిడ్ మానేరు వరకు 3 టీఎంసీల నీటిని తరలించడానికి నిర్మాణాలు చేపట్టాలని మంత్రివర్గం నిర్ణయించింది. ప్రస్తుతం నిర్మించిన ప్రాజెక్టు రోజుకు 2 టీఎంసీల నీటిని ఎత్తిపోయడానికి వీలుగా ఉన్నది. మేడిగడ్డ వద్ద గోదావరిలో పుష్కలమైన నీటి లభ్యత ఉన్నందున రోజుకు 3 టీఎంసీలను ఎత్తిపోసుకోవచ్చని అధికారులు ప్రతిపాదించారు. మిడ్ మానేరు వరకు మూడో టీఎంసీని ఎత్తిపోసే పనులను చేపట్టాలని మంత్రి వర్గం నిర్ణయించింది. రూ.11,806 కోట్ల అంచనా వ్యయంతో చేపట్టే ఈ పనులకు సంబంధించిన ఖర్చులను కూడా రెండేళ్ల బడ్జెట్లో కేటాయించాలని నిర్ణయించారు.
‘పల్లె ప్రగతి’పై సీఎం ఆగ్రహం
గ్రామాల్లో పచ్చదనం, పరిశుభ్రత పెంపొందించేందుకు ప్రజలందరి భాగస్వామ్యంతో గ్రామాల రూపురేఖలు మార్చే దిశగా చేపట్టిన 30 రోజుల ప్రత్యేక కార్యాచరణ ‘పల్లె ప్రగతి’ పురోగతిపైనా సమావేశంలో చర్చించారు. ప్రజల నుంచి మంచి స్పందన వచ్చిన ఈ కార్యక్రమ స్పూర్తిని కొనసాగించడంలో అధికారులు విఫలమయ్యారని ముఖ్యమంత్రి ఆగ్రహం వ్యక్తం చేశారు. పల్లె ప్రగతి కార్యక్రమాన్ని కొనసాగించడానికి అవసరమైన చర్యలు ఎందుకు తీసుకోలేదని పంచాయతీరాజ్ కార్యదర్శిని ముఖ్యమంత్రి ప్రశ్నించారు. ఎలాంటి అలసత్వం లేకుండా ఈ కార్యక్రమాన్ని కొనసాగించాలని ఆదేశించారు. గతంలో 30 రోజుల కార్యక్రమం నిర్వహించనట్లుగానే వచ్చే నెలలో పది రోజుల ప్రత్యేక కార్యక్రమం నిర్వహించాలని ముఖ్యమంత్రి కేసీఆర్ ఆదేశించారు.
పొదుపు అత్యంత ఆవశ్యకం
రాష్ట్ర ఆర్థిక పరిస్థితి, కేంద్రం నుంచి రావాల్సిన నిధులు, బకాయిలు తదితర ఆర్థిక విషయాలపై మంత్రి వర్గం విస్తృతంగా చర్చించింది. ఇతర విషయాలు కొద్దిసేపు చర్చించినప్పటికీ ప్రధానంగా ఆర్థిక పరిస్థితిపైనే సమగ్రంగా చర్చించారు. మంత్రులు, అన్ని శాఖల ముఖ్య కార్యదర్శులను ఉద్దేశించి ముఖ్యమంత్రి కేసీఆర్ దిశానిర్దేశం చేశారు. కేంద్రం నుంచి రావాల్సిన డెవల్యూషన్, జీఎస్టీ నష్టపరిహారం తదిరత నిధులు రావడం లేదని చెప్పారు. ఆర్థిక మాంద్యం కారణంగా రాష్ట్రంలో కూడా ఆదాయాలు పడిపోయాయని వెల్లడించారు. ఈ పరిస్థితుల్లో అన్ని శాఖలు కఠినమైన ఆర్థిక నియంత్రణ పాటించాలని సీఎం చెప్పారు. బడ్జెట్ కేటాయింపులకు మించి ఏ శాఖలోనూ ఒక్క రూపాయి కూడా అదనంగా ఖర్చు చేయడానికి వీల్లేదని ముఖ్యమంత్రి చెప్పారు. అన్ని శాఖలు విధిగా నియంత్రణ పాటించాల్సిందేనని, సరైన ఆర్థిక క్రమశిక్షణతోనే పరిస్థితిని ఎదుర్కోగలమని కేసీఆర్ దిశా నిర్దేశం చేశారు. అదనపు ఆదాయం రాబట్టే అవకాశాలపై మంత్రివర్గంలో చర్చించారు. అన్ని శాఖల మంత్రులు, కార్యదర్శులు తమ శాఖకు సంబంధించిన నిధుల వినియోగం విషయంలో అత్యంత జాగ్రత్తగా వ్యవహరించాలని సీఎం చెప్పారు.
We use cookies and other tracking technologies to provide services in line with the preferences you reveal while browsing the Website to show personalize content and targeted ads, analyze site traffic, and understand where our audience is coming from in order to improve your browsing experience on our Website. By continuing to browse this Website, you consent to the use of these cookies. If you wish to object such processing, please read the instructions described in our privacy policy/cookie policy.