తెలంగాణ కేబినెట్ భేటీ.. లాక్‌డౌన్‌లో మార్పులు?

లాక్‌డౌన్‌ వేళ తెలంగాణ మంత్రి మండలి సమావేశమైంది. ప్రగతిభవన్‌లో ముఖ్యమంత్రి కేసీఆర్‌ అధ్యక్షతన మంత్రులందరూ సమావేశమయ్యారు. లాక్ డౌన్‌ను తొలుత రాష్ట్ర ప్రభుత్వం ఏప్రిల్ నెలాఖరు వరకూ ప్రకటించిన సంగతి తెలిసిందే. తర్వాత కేంద్రం మే 3 వరకూ లాక్ డౌన్ దేశ వ్యాప్త లాక్ డౌన్ అని ప్రకటించింది. అయితే, పరిస్థితులను బట్టి ఏప్రిల్ 20 తర్వాతి నుంచి కొన్ని సేవల్లో మినహాయింపులు ఇవ్వాలన్న కేంద్రం మార్గదర్శకాలపై కేబినెట్‌లో చర్చిస్తారు. ఈ నేపథ్యంలో కేబినెట్ సమావేశం ప్రాధాన్యం సంతరించుకుంది.

లాక్ డౌన్‌లోని ఆంక్షలు, నిబంధనల సడలింపుపై కేంద్రం మార్గదర్శకాలే అమలు చేయాలా? లేక ఏమైనా ప్రత్యేక నిబంధనలు విధించాలా? అనే అంశంపై కేబినెట్‌లో చర్చించనున్నారు. దీనికి సంబంధించి ఇప్పటికే శుక్ర, గురువారాలు ముఖ్యమంత్రి ఉన్న స్థాయి సమావేశం కూడా నిర్వహించి, కేబినెట్ అజెండాను కూడా సీఎం కేసీఆర్ ఖరారు చేశారు. లాక్ డౌన్ నిబంధనలపై రాష్ట్ర ప్రభుత్వ పరంగా ప్రత్యేక నిబంధనలపై రాత్రికి కీలక నిర్ణయాన్ని వెలువరించే అవకాశం ఉంది.

Also Read: undefined

రోజూ పదుల సంఖ్యలో కరోనా పాజిటివ్ కేసులు నమోదవుతున్న నేపథ్యంలో లాక్‌ డౌన్‌ను యాథాతథంగా అమలు చేసేందుకే రాష్ట్రం ప్రభుత్వం మొగ్గుచూపుతున్నట్లుగా తెలుస్తోంది. ఈ భేటీలో రాష్ట్ర ఆర్ధిక పరిస్థితిని దృష్టిలో ఉంచుకొని, కరోనా కట్టడికి తీసుకోవాల్సిన మరిన్ని చర్యలు, వైద్య సేవలు, రక్షణ పరికరాల పంపిణీ తదితర అంశాలపైనా చర్చించి ముఖ్యమైన నిర్ణయాలు తీసుకోనున్నారు. అలాగే హైదరాబాద్‌ పరిధిలోనూ రోజు రోజుకూ పెరుగుతున్న కరోనా కేసుల నేపథ్యంలోనూ మంత్రి వర్గ సమావేశం అనంతరం కీలక ప్రకటన చేస్తారని సమాచారం.

Also Read: లాక్‌డౌన్‌ వల్ల ఉద్యోగుల్ని తొలగించొద్దు.. ఐటీ కంపెనీలకు కేటీఆర్ విజ్ఞప్తి

Also Read: undefined