యాప్నగరం

జగ్గారెడ్డి-కోమటిరెడ్డి సరదా వ్యాఖ్యలు.. ఫక్కున నవ్వుకున్న కాంగ్రెస్ నేతలు

Telangana Congress: ఆదివారం జూమ్ యాప్ ద్వారా సీఎల్పీ మీటింగ్ జరిగింది. రాష్ట్రంలో కరోనా వైరస్ పరిస్థితులు, పోతిరెడ్డిపాడుపై వ్యవహరించాల్సిన తీరు తెన్నులను ఈ సమావేశంలో చర్చించారు.

Samayam Telugu 9 Aug 2020, 6:58 pm
తెలంగాణ కాంగ్రెస్ నిర్వహించిన సీఎల్పీ సమావేశంలో ఆ పార్టీ ఎమ్మెల్యేల మధ్య ఆదివారం సరదా వాతావరణం నెలకొంది. నేతల్లో కొత్త జోష్ కనిపించింది. వారంతా ఉల్లాసంగా గడిపారు. భట్టి విక్రమార్క నేతృత్వంలో ఆదివారం మధ్యాహ్నం సీఎల్పీ సమావేశమైన సంగతి తెలిసిందే. ఈ సమావేశం జరుగుతుండగా జగ్గారెడ్డిపై కోమటిరెడ్డి రాజగోపాల్ రెడ్డి కొన్ని సెటైర్లు వేశారు. ‘‘మీ పని నయం అన్న.. గడ్డాలు, మీసాలు పెంచారు.. ఇక మాస్కుతో పన్లేదు. అందరం మాస్క్‌లు ధరిస్తే నీకు మాత్రం ఏ మాస్కు అక్కర్లేదు. అంటూ జగ్గారెడ్డిని ఉద్దేశించి రాజగోపాల్‌రెడ్డి సరదా వ్యాఖ్యలు చేశారు. దీంతో సమావేశంలో ఉన్నవారంతా ఒక్కసారిగా నవ్వుకున్నారు.
Samayam Telugu సీఎల్పీ సమావేశంలో మాట్లాడుతున్న ఉత్తమ్ కుమార్ రెడ్డి
Telangana Congress CLP meeting


అంతేకాక, ఈ సమావేశంలో కోమటిరెడ్డి బ్రదర్స్ కూడా ఆప్యాయంగా పలకరించుకున్నారు. తమ్ముడు రాజగోపాల్‌ను ఎక్కడ ఉన్నావంటూ కోమటిరెడ్డి వెంకట్‌రెడ్డి పలకరించారు. ఫామ్‌హౌస్‌లో ఉన్నానంటూ రాజ్‌గోపాల్ రెడ్డి సమాధానం ఇచ్చారు. ఢిల్లీలో జైరాం రమేష్‌ను కలిసినందుకు కరోనా టెస్టు చేయించుకోవాలంటూ వెంకట్‌రెడ్డి సూచించారు. తాను కరోనా టెస్టులు చేయించుకొన్నానని ఎలాంటి సమస్యలు లేవని ఆయన వివరించారు.ఈ సీఎల్పీ మీటింగ్‌లో రేవంత్ రెడ్డి కూడా పాల్గొన్నారు. వీరందరి సరదా వ్యాఖ్యల నేపథ్యంలో రేవంత్‌రెడ్డి కూడా నవ్వుకున్నారు.

Also Read: undefined

ఆదివారం జూమ్ యాప్ ద్వారా సీఎల్పీ మీటింగ్ జరిగింది. రాష్ట్రంలో కరోనా వైరస్ పరిస్థితులు, పోతిరెడ్డిపాడుపై వ్యవహరించాల్సిన తీరు తెన్నులను ఈ సమావేశంలో చర్చించారు. కరోనాను ఆరోగ్య శ్రీలో చేర్చేలా ప్రభుత్వంపై ఒత్తిడి తీసుకురావాలని సమావేశంలో నేతలు అభిప్రాయపడ్డారు. సీఎల్పీ తరపున కోవిడ్ ఆసుపత్రులను సందర్శించాల్సిన అవసరం ఉందని మరికొందరు ప్రతిపాదించారు. పోతిరెడ్డిపాడుపై ఆలస్యం చేయవద్దని భువనగిరి ఎంపీ కోమటిరెడ్డి వెంకట్ రెడ్డి కోరారు. ఈ విషయమై రాష్ట్ర బంద్ లేదా నిరసన కార్యక్రమం చేయాలని సూచించారు.

Also Read: undefined

తరవాత కథనం

Telugu News App: ఏపీ, తెలంగాణకు సంబంధించిన లేటెస్ట్ అప్‌డేట్స్‌, జాతీయ, అంతర్జాతీయ, ఎడ్యుకేషన్, బిజినెస్, సినిమా, ఆధ్యాత్మికం, స్పోర్ట్స్, వైరల్ కథనాల కోసం తెలుగు సమయం యాప్‌ను డౌన్‌లోడ్ చేసుకోండి.
తాజా వార్తల అప్డేట్ల కోసం Samayam Telugu ఫేస్‌బుక్పేజీను లైక్ చెయ్యండి.