తెలంగాణ మున్సిపల్ ఎన్నికల నిర్వహణపై ఎస్ఈసీకి సర్కార్ లేఖ

తెలంగాణలో మున్సిపల్ ఎన్నికలు వాయిదా వేయాలంటూ హైకోర్టులో కొందరు నాయకులు పిటిషన్ దాఖలు చేసిన విషయం తెలిసిందే. ఈ నేపథ్యంలో ఎన్నికల నిర్వహణపై ప్రభుత్వం కీలక ప్రకటన చేసింది. రాష్ట్రంలో మున్సిపల్ ఎన్నికలను యథాతధంగా జరగనున్నట్లు ప్రభుత్వం తెలిపింది. ఈ నెల 30న ఎన్నికల నిర్వహణకు ఇబ్బందులు లేవని ప్రభుత్వం వెల్లడించింది. కొవిడ్ జాగ్రత్తలతో ఎన్నికలు నిర్వహణకు అన్ని ఏర్పాట్లు చేస్తామని ఎస్‌ఈసీకి అధికారులు తెలిపారు. దీంతో ఇప్పటికే ఎన్నికల నిర్వహణపై ప్రభుత్వానికి ఎస్‌ఈసీ లేఖ రాసింది. ఈ నెల 30న వరంగల్, ఖమ్మం కార్పొరేషన్లకు ఐదు మున్సిపాలిటీలకు పోలింగ్ జరగనుంది. రాష్ట్రంలో 2 కార్పొరేషన్లు, 5 మున్సిపాలిటీలకు ఎన్నికల నోటిఫికేషన్ విడుదల అయ్యింది. వరంగల్ , ఖమ్మం కార్పొరేషన్లు, అచ్చంపేట, సిద్దిపేట, నకిరేకల్, జడ్చర్ల, కొత్తూరు మున్సిపాలిటీలకు ఎన్నికలు జరగాల్సి ఉన్నాయి.

ఈ ఎన్నికలకు సంబంధించి ఏప్రిల్ 16 నుంచి 18 వ తేదీ వరకూ నామినేషన్ల స్వీకరణ జరిగింది. ఇక రేపటి నుంచి నామినేషన్ల ఉపసంహరణ జరగనుంది. ఏప్రిల్ 30 న పోలింగ్ జరగనుంది. మే 3న అంటే అసెంబ్లీ ఎన్నికల ఫలితాలు వెలువడిన మరుసటి రోజున మున్సిపాలిటీ, కార్పొరేషన్ల ఫలితాలు వెలువడనున్నాయి