తక్షణమే ఉస్మానియా హాస్పిటల్‌కు సీల్.. సర్కార్ సంచలన ఆదేశాలు

ఉస్మానియా ఆస్పత్రి పాత భవనాన్ని ఖాళీ చేసి, సీజ్ చేయాలని తెలంగాణ వైద్య విద్య డైరెక్టర్ (డీఎంఈ) డాక్టర్ కె. రమేష్ రెడ్డి ఆదేశాలు జారీ చేశారు. ఇప్పటికే పాత భవంతిలో చికిత్స పొందుతున్న రోగులను ఇతర వార్డుల్లోకి తరలించాలని ఆదేశించారు. పాత భవనంలో ఎటువంటి కార్యకలాపాలు నిర్వహించవద్దని అధికారులు ఆదేశించారు. ఇటీవల చిన్నపాటి వర్షాలకే ఆస్పత్రి వార్డుల్లోకి నీరు చేరిన సంగతి తెలిసిందే. ఈ ఘటనతో తెలంగాణ ప్రభుత్వ ప్రతిష్ఠ తీవ్రంగా దెబ్బతింది. శిథిలావస్థకు చేరిన ఉస్మానియా ఆస్పత్రిలో రోగులు ఉన్న వార్డుల్లోకి నీరు చేరిన ఫోటోలు, వీడియోలు సోషల్ మీడియాలో విపరీతంగా వైరల్ అయ్యాయి. ఇది పెద్ద చర్చకే దారి తీసింది. మళ్లీ భారీ వర్షాలు పడితే, ఇంకేదైనా ప్రమాదం జరిగే అవకాశమూ లేకపోలేదు.. కాబట్టి వెంటనే ఈ పురాతన భవనాల తలనొప్పి వదిలించుకుందామని కేసీఆర్ సర్కారు నిర్ణయం తీసుకుంది.

Must Read: undefined

ఉస్మానియా ఆస్పత్రి వార్డుల్లోకి నీరు చేరడాన్ని విపక్షాలు బాగా ఎత్తిచూపాయి. తెలంగాణ బీజేపీ అధ్యక్షుడు బండి సంజయ్, టీపీసీసీ చీఫ్ ఉత్తమ్ కుమార్ రెడ్డి సహా ఇతర నాయకులంతా ప్రభుత్వంపై తీవ్రమైన విమర్శలు చేశారు. ఈ క్రమంలోనే మంత్రులు, అధికార పార్టీ నాయకులు సహా విపక్షనేతలు ఉస్మానియా ఆస్పత్రి పరిస్థితిని ప్రత్యక్షంగా సందర్శించారు. నెటిజన్లు సైతం సామాజిక మాధ్యమాల్లో విపరీతమైన ట్రోల్స్ చేశారు.

Also Read: సచివాలయం కూల్చివేతకు మీడియాను అందుకే అనుమతించట్లేదు: ప్రభుత్వం

దీంతో ప్రభుత్వం తాజాగా పాత భవనం మొత్తం తక్షణం ఖాళీ చేయాలని ఆదేశాలు జారీ చేసింది. పాత భవనం మొత్తం ఖాళీ చేసి, సీల్ వేయాల్సిందగా మెడికల్ ఎడ్యుకేషన్ డైరెక్టర్ ఆదేశాలు జారీ చేశారు. నిజానికి ఉస్మానియా ఆస్పత్రిని పూర్తిగా పడగొట్టి కొత్త ఆస్పత్రి నిర్మిస్తామని 2015లోనే టీఆర్ఎస్ ప్రభుత్వం ముందుకొచ్చింది. కానీ, అప్పుడు విపక్షాల ఎదురుదాడి కారణంగానే కొత్త ఆస్పత్రి నిర్మించలేదని ప్రభుత్వవర్గాలు అంటున్నాయి.

Must Read: undefined