గుడ్‌న్యూస్! ఇక ఆన్‌లైన్‌లోనే డ్రైవింగ్‌ లైసెన్స్‌.. త్వరలో మరిన్ని సేవలు

తెలంగాణ ప్రజలకు మరింత చేరువయ్యేందుకు, వారికి సులభతర సేవలు అందించేందుకు రవాణాశాఖ మరికొన్ని ఆన్‌లైన్‌ సేవలను ప్రవేశపెట్టింది. ఫెస్ట్‌ (ఫ్రెండ్లీ ఎలక్ట్రానిక్‌ సర్వీస్‌ ఆఫ్‌ ట్రాన్స్‌పోర్టు) పేరిట ఖైరతాబాద్‌లోని రవాణాశాఖ కార్యాలయంలో మంత్రి పువ్వాడ అజయ్‌ ఈ సేవలను శుక్రవారం ప్రారంభించారు. వీటి ద్వారా 5 రకాల ఆన్‌లైన్‌ సేవలను ప్రవేశపెట్టారు. దీంతో ప్రజల సమయం ఆదా కానుంది. అంతేకాక, సేవల్లో పారదర్శకత కూడా ఏర్పడనుంది.
Must Read: కుతుబ్ షాహీల రహస్య సొరంగం మళ్లీ వాడకంలోకి.. కేటీఆర్-ఒవైసీ మధ్య ఆసక్తికర చర్చ

లెర్నింగ్‌ పత్రాల విషయంలో ఇకపై డూప్లికేట్లు, బ్యాడ్జీలను అందజేయడం, డూప్లికేట్‌ లైసెన్స్‌, హిస్టరీ షీట్‌, పాతకార్డు స్థానంలో స్మార్ట్‌ కార్డులను ఇవ్వడం వంటి 5 రకాల సేవలను ఆన్‌లైన్‌ ద్వారా అందిస్తారు. మరో 6 సేవల్ని కూడా త్వరలోనే ఇందులో అందుబాటులోకి తీసుకొస్తామని మంత్రి పువ్వాడ వివరించారు. ఆర్టిఫిషియల్‌ ఇంటెలిజెన్స్‌తో (కృత్రిమ మేథ) పని చేసే ఈ సేవలను స్మార్ట్ ఫోన్‌లో సైతం పొందవచ్చని మంత్రి వివరించారు.

తెలంగాణ ఆవిర్భావం తర్వాత అనేక సంస్కరణలు తీసుకొచ్చిన క్రమంలో మంత్రి కేటీఆర్‌ జన్మదినం సందర్భంగా దేశంలోనే తొలిసారిగా రవాణాశాఖలో ఆన్‌లైన్‌ సేవలను ప్రారంభించామని మంత్రి పువ్వాడ అజయ్‌ కుమార్ ఆనందం వ్యక్తం చేశారు.
Also Read: undefined