సమ్మె బాట పట్టిన జూనియర్ పంచాయతీ కార్యదర్శుల (JPS Strike) పై తెలంగాణ సర్కారు సీరియస్ అయ్యింది. మే 9వ తేదీ అంటే రేపు సాయంత్రం 5 గంటలలోపు విధుల్లో చేరాలని జేపీఎస్ (Junior Panchayat Secretaries) ప్రభుత్వం అల్టిమేటం జారీ చేసింది. ఒకవేళ రేపు సాయంత్రంలోపు విధుల్లో చేరకపోతే.. చేరనివాళ్లందరినీ ఉద్యోగాల నుంచి తొలగిస్తామని హెచ్చరిస్తూ.. జూనియర్ పంచాయతీ కార్యదర్శులకు ప్రభుత్వం నోటీసులు జారీ చేసింది. రాష్ట్ర పంచాయతీరాజ్ గ్రామీణ అభివృద్ధి శాఖ ముఖ్య కార్యదర్శి సందీప్ కుమార్ సుల్తానియా ఈ నోటీసులను జారీ చేశారు. అయితే.. జూనియర్ పంచాయతీ కార్యదర్శులు సమ్మె చేయడం నిబంధనలను ఉల్లంఘించడమేనని నోటీసుల్లో పేర్కొన్నారు. జూనియర్ పంచాయతీ కార్యదర్శులు (జేపీఎస్) యూనియన్ ఏర్పాటు చేయడం, సమ్మెకు దిగడం చట్టవిరుద్ధమని తెలిపారు.
ప్రభుత్వంతో జేపీఎస్‌లు చేసుకున్న అగ్రిమెంట్ బాండ్‌ను ఉల్లంఘిస్తూ యూనియన్‌గా ఏర్పడి.. తమ సర్వీసు డిమాండ్‌తో 2023 ఏప్రిల్ 28 నుంచి సమ్మెకు దిగినట్లు ప్రభుత్వం దృష్టికి వచ్చిందని నోటీసుల్లో సూల్తానియా తెలిపారు. "జూనియర్ పంచాయితీ సెక్రటరీగా, సంఘాలు, యూనియన్ లలో చేరను." అని బాండ్‌లో సంతకం చేశారని గుర్తు చేశారు. ఒప్పందం ప్రకారం పంచాయతీ కార్యదర్శులకు ఆందోళన చేసే, సమ్మెకు దిగే హక్కు లేదన్నారు. ఈ వాస్తవాలు తెలిసినప్పటికీ.. జేపీఎస్‌లు ఒక యూనియన్‌గా ఏర్పడి.. చట్టవిరుద్ధంగా ఏప్రిల్ 28, 2023 నుంచి సమ్మెకు వెళ్లారని తెలిపారు.
నిబంధనలను అతిక్రమించి సమ్మెకు దిగడం వల్ల జేపీఎస్‌లు తమ ఉద్యోగాలలో కొనసాగే హక్కును కోల్పోయారని తెలిపిన సుల్తానియా.. ప్రభుత్వం మాత్రం మానవతా దృక్పథంతో జేపీఎస్‌లకు చివరి అవకాశం ఇస్తుందని స్పష్టం చేశారు. మే 9వ తేదీ సాయంత్రం 5 గంటలలోపు విధుల్లో చేరాలని ఆదేశించారు. రేపటిలోగా విధుల్లో చేరని జూనియర్ పంచాయతీ కార్యదర్శులు అందరూ టర్మినేట్ అవుతారని నోటీసుల్లో స్పష్టం చేశారు.
ప్రభుత్వంతో జేపీఎస్‌లు చేసుకున్న అగ్రిమెంట్ బాండ్‌ను ఉల్లంఘిస్తూ యూనియన్‌గా ఏర్పడి.. తమ సర్వీసు డిమాండ్‌తో 2023 ఏప్రిల్ 28 నుంచి సమ్మెకు దిగినట్లు ప్రభుత్వం దృష్టికి వచ్చిందని నోటీసుల్లో సూల్తానియా తెలిపారు. "జూనియర్ పంచాయితీ సెక్రటరీగా, సంఘాలు, యూనియన్ లలో చేరను." అని బాండ్‌లో సంతకం చేశారని గుర్తు చేశారు. ఒప్పందం ప్రకారం పంచాయతీ కార్యదర్శులకు ఆందోళన చేసే, సమ్మెకు దిగే హక్కు లేదన్నారు. ఈ వాస్తవాలు తెలిసినప్పటికీ.. జేపీఎస్‌లు ఒక యూనియన్‌గా ఏర్పడి.. చట్టవిరుద్ధంగా ఏప్రిల్ 28, 2023 నుంచి సమ్మెకు వెళ్లారని తెలిపారు.
నిబంధనలను అతిక్రమించి సమ్మెకు దిగడం వల్ల జేపీఎస్‌లు తమ ఉద్యోగాలలో కొనసాగే హక్కును కోల్పోయారని తెలిపిన సుల్తానియా.. ప్రభుత్వం మాత్రం మానవతా దృక్పథంతో జేపీఎస్‌లకు చివరి అవకాశం ఇస్తుందని స్పష్టం చేశారు. మే 9వ తేదీ సాయంత్రం 5 గంటలలోపు విధుల్లో చేరాలని ఆదేశించారు. రేపటిలోగా విధుల్లో చేరని జూనియర్ పంచాయతీ కార్యదర్శులు అందరూ టర్మినేట్ అవుతారని నోటీసుల్లో స్పష్టం చేశారు.
- Read More Telangana News And Telugu News