ధరణి పోర్టల్‌పై స్టే పొడిగింపు.. ఎత్తివేతకు హైకోర్టు నిరాకరణ

ధరణి పోర్టల్‌ వ్యవహారంపై హైకోర్టు విచారణ చేపట్టింది. తదుపరి విచారణను డిసెంబర్ 3కి వాయిదా వేసింది. డిసెంబర్ 3 వరకు ధరణి పోర్టల్‌పై స్టే యధావిధిగా కొనసాగింపు ఉంటుందని కోర్టు వెల్లడించింది. ధరణి పోర్టల్‌లో డేటా మిస్ యూస్ చేస్తే ఎవరు బాధ్యత తీసుకోవాలని ప్రభుత్వాన్ని హైకోర్టు ప్రశ్నించింది. ఆధార్ కార్డు సమాచారం రెండు సార్లు లీక్ అయిన కేంద్ర ప్రభుత్వం కూడా ఏమి చేయలేక పోయిందని హైకోర్ట్ గుర్తు చేసింది. ప్రభుత్వం దాఖలు చేసిన కౌంటర్ పై హైకోర్టు బుధవారం విచారణ జరిపింది.

గురువారం కూడా దీనిపై వాదనలు కొనసాగించాలని ఏజీ కోరినప్పటికీ హైకోర్టు నిరాకరించింది. ధరణిపై కేసుల విచారణ డిసెంబరు 3 కి వాయిదా వేస్తూ హైకోర్టు నిర్ణయాన్ని వెలువరించింది.

ఆధార్ కార్డు వివరాలు కావాల్సివస్తే ప్రభుత్వం, ఆధార్ కార్డు డివిజన్ అనుమతి తప్పని సరిగా తీసుకోవాలని పిటిషనర్ తరపు న్యాయవాది కోర్టుకు తెలియజేశారు. ప్రభుత్వ కౌంటర్‌లో హైకోర్టు అడిగిన వివరాలకు సమాధానం లేదని పిటిషనర్ తరపు న్యాయవాది కోర్టుకు తెలిపారు. ఆధార్ వివరాలను షేర్ చేయాలంటే జ్యూడిషల్ పర్మిషన్ కావాలని కోర్టుకు తెలియజేశారు.

డేటా ఎవరు కాపాడుతారు? డేటా ఎక్కడ పెడతారు? డేటా ఎందుకు కావాలి? డేటా ఏ పద్ధతిలో స్టోర్ చేస్తారో తెలపాలని పిటీషనర్ న్యాయవాది కోర్టును కోరారు. ఆర్టికల్ 300A, ప్రకారం ధరణిలో నమోదు చేసుకోకపోతే, ఆస్తుల ట్రాన్స్ఫర్, అమ్మడం నిషేధించడం చట్ట విరుద్ధమని న్యాయవాది ప్రకాష్ రెడ్డి అన్నారు. ధరణి సవరణ చట్టం ప్రకారం రికార్డు అఫ్ రైట్స్ ఎక్కడా నిర్వచించలేదని తెలిపారు. ప్రభుత్వం దాఖలు చేసిన కౌంటర్ పిటిషన్‌లోనూ ఈ ప్రశ్నలకు సమాధానం ఇవ్వలేదని, నాన్ అగ్రికల్చర్ ప్రపర్టీస్ ఎన్యూమరేషన్ ప్రొవిషన్ లేదని అన్నారు.

నాన్ అగ్రికల్చర్ ప్రాపర్టీస్‌కి పాస్ బుక్ ఇవ్వడం ఏ చట్టంలో కూడా లేదని పిటీషనర్ తరపు అడ్వకేట్ తెలిపారు. నా ఆస్తిని నేను అమ్ముకునాలంటే నా వ్యక్తిగత వివరాలు ఇవ్వాలని ఏ చట్టంలోనూ లేదని పిటిషనర్ తరపు అడ్వకేట్ అన్నారు.