T Covid 19 App: సమాచారమే కాదు, వైద్య సాయం కూడా.. ప్రత్యేకతలివే

కరోనా వైరస్ గురించి కచ్చితమైన సమాచారం అందించే సరికొత్త ‘టి కొవిడ్ 19’ యాప్‌ను తెలంగాణ ప్రభుత్వం అధికారికంగా విడుదల చేసింది. కరోనా వైరస్‌పై విపరీతంగా వైరల్ అవుతున్న నకిలీ వార్తలను అరికట్టే ఉద్దేశంతో దీన్ని ప్రవేశపెట్టినట్లుగా అధికారులు తెలిపారు. ఈ యాప్‌లో కరోనా వైరస్ సోకకుండా తీసుకోవాల్సిన జాగ్రత్తలతో పాటు ప్రతి పౌరుడు తెలుసుకోవాల్సిన విషయాలు ఉంటాయని వివరించారు.

Must Read: కేటీఆర్.. నీ బాక్సింగ్ పంచ్‌కు నా ముక్కు పగిలింది: ఆర్జీవీ

ఈ యాప్‌ను తెలంగాణ రాష్ట్ర ఆరోగ్యశాఖ, ఐటీ, ఎలక్ట్రానిక్స్, కమ్యూనికేషన్స్ విభాగాలు సంయుక్తంగా తయారు చేశాయి. ఏడ్ల్యూఎస్, సిస్కో వంటి హైదరాబాద్‌కు చెందిన సహకారంతో రూపొందించారు. రాష్ట్రంలో కచ్చితంగా నమోదైన కరోనా కేసుల వివరాలు ఇందులో ఉండనున్నాయి. అంతేకాక, ప్రజలు తమ ఆరోగ్య స్థితి ఆధారంగా వైద్య పరీక్షలు చేయించుకోవాలనే అవగాహన కూడా ఈ యాప్ పెంపొందించనుంది.

ఈ యాప్‌లో ఉన్న సెల్ఫ్ అసెస్‌మెంట్ ఫీచర్ ద్వారా వ్యక్తి తన ఆరోగ్య స్థితిని తెలుసుకోవచ్చు. యాప్‌లో యూజర్ తన పేరు, వయసు, మొబైల్ నెంబరు, జెండర్, శరీర ఉష్ణోగ్రత, లక్షణాలు, ట్రావెల్ హిస్టరీ, ఇతర ఆరోగ్య చరిత్రను యాప్‌లో ఎంటర్ చేయడం ద్వారా ఆరోగ్య స్థితి తెలుసుకొనే వీలుపడుతుందని అధికారులు చెప్పారు.

Also Read: హెలికాప్టర్ మనీ తేవాలని మోదీకి చెప్పా.. 10 లక్షల కోట్లు వస్తాయి: కేసీఆర్