సమ్మె బాట.. తెలంగాణలో నిలిచిపోయిన ఆయిల్ ట్యాంకర్లు

తెలంగాణ ఆయిల్ ట్యాంకర్స్ ఓనర్స్ సమ్మె బాట పట్టారు. ఆయిల్‌ సంస్థలు రవాణా ఛార్జీలో 80 శాతం కోత పెట్టడంతో రవాణా కాంట్రాక్టర్లు మూకుమ్మడిగా సమ్మె చేపట్టారు. ఫలితంగా సూర్యాపేటలో పెద్ద సంఖ్యలో ఆయిల్‌ ట్యాంకర్స్‌ రోడ్డు వెంబడి నిలిచిపోయాయి. దాదాపు 500 ఆయిల్ ట్యాంకర్లు రోడ్ల మీద ఆగిపోయాయి. సింగరేణి సంస్థకు కూడా ఆయిల్‌ ట్యాంకర్స్‌ సరఫరా ఆగిపోయింది. ఆయిల్ సంస్థలు దిగిరాకపోతే తెలంగాణ మొత్తం ఆయిల్‌ ట్యాంకర్లను నిలిపివేస్తామని తెలంగాణ ఆయిల్‌ ట్యాంకర్స్‌ ఓనర్స్‌ హెచ్చరించింది.

లాక్‌డౌన్ సమయంలో ఆయిల్ ట్యాంకర్లు సమ్మె చేస్తే.. గ్యాస్, పెట్రోల్, డీజీల్‌ లభ్యతపై ప్రభావం పడే అవకాశం ఉంది. తెలంగాణలో ప్రభుత్వ కార్యాలయాలను సోమవారం నుంచే ప్రారంభించిన నేపథ్యంలో.. పెట్రోల్, డీజిల్‌కు డిమాండ్ పెరిగే అవకాశం ఉంది. ఇలాంటి తరుణంలో చమురు సంస్థలు ఎలా స్పందిస్తాయో చూడాలి.