తెలంగాణలో మళ్లీ తగ్గిన కరోనా కేసులు.. ఇవాళ 1015 పాజిటివ్ కేసులు

తెలంగాణ రాష్ట్రంలో కరోనా కేసులు తగ్గుముఖం పట్టాయి. నిన్నటి కంటే ఇవాళ కేసులు తగ్గాయి. నిన్న రాత్రి 8గంటల వరకు నిర్వహించిన కరోనా నిర్థారణ పరీక్షల్లో కొత్తగా 1,015 పాజిటివ్‌ కేసులు నమోదయ్యాయి. దీంతో మొత్తం ఇప్పటి వరకు నమోదైన కేసుల సంఖ్య 2,54,666కి చేరింది. ఈమేరకు వైద్య ఆరోగ్యశాఖ గురువారం ఉదయం బులిటెన్‌ విడుదల చేసింది. నిన్న ఒక్కరోజే కరోనాతో ముగ్గురు మృతి చెందారు. దీంతో మృతుల సంఖ్య 1,393కి చేరింది.

Read More: హైదరాబాద్ వాసులకు గుడ్ న్యూస్.. మరిన్ని బస్తీ దవాఖానలు ప్రారంభం

ఇప్పటివరకు రాష్ట్ర వ్యాప్తంగా 2,54, 666 కు పాజిటివ్ కేసులు చేరాయి. రాష్ట్రంలో ఇప్పటివరకు నిర్వహించిన కరోనా నిర్థారణ పరీక్షల సంఖ్య 47,70,004కి చేరింది.కరోనా బారిన పడి నిన్న 1,716 మంది కోలుకున్నారు. దీంతో ఇప్పటివరకు కోలుకున్న బాధితుల సంఖ్య 2,35,950కి చేరింది. రాష్ట్రంలో ప్రస్తుతం 17,323 యాక్టివ్‌ కేసులు ఉన్నాయని, వారిలో 14,694 మంది హోం ఐసోలేషన్‌లో చికిత్స పొందుతున్నారని వైద్య ఆరోగ్యశాఖ తెలిపింది. ప్రతిసారిలాగా ఈసారి గ్రేటర్‌లో అత్యధికంగా 172 పాజిటివ్ కేసులు నమోదు అయ్యాయి.