తెలంగాణలో తగ్గుతున్న కరోనా.. తాజాగా కేసులు ఎన్నంటే

తెలంగాణ రాష్ట్రంలో కరోనా కేసులు భారీగా తగ్గుతూ వస్తున్నాయి. నిన్న రాత్రి 8గంటల వరకు నిర్వహించిన కరోనా నిర్థారణ పరీక్షల్లో కొత్తగా 1451 పాజిటివ్‌ కేసులు నమోదయ్యాయి. దీంతో ఇప్పటి వరకు నమోదైన కేసుల సంఖ్య 2,20,675కి చేరింది. ఈమేరకు వైద్య ఆరోగ్యశాఖ శనివారం ఉదయం బులిటెన్‌ విడుదల చేసింది. ఒక్క రోజే కరోనాతో 9మంది మృతి చెందారు. దీంతో మరణాల సంఖ్య 1,265కి చేరింది. ప్రస్తుతం రాష్ట్రంలో 22,774 యాక్టివ్‌ కేసులు ఉన్నాయి. 18,905 మంది హోం ఐసోలేషన్‌లో చికిత్స పొందుతున్నారని అధికారులు తెలిపారు.

Read More: నీట మునిగిన 100 రైఫిళ్లు.. గగన్ నారంగ్ అకాడమీలోకి వరద

కరోనా బారి నుంచి నిన్న 1983 మంది కోలుకున్నారు. దీంతో ఇప్పటి వరకు కోలుకున్న బాధితుల సంఖ్య 1,96,636కి చేరింది.మరోవైపు తెలంగాణ వైద్య ఆరోగ్య శాఖ మంత్రి ఈటల రాజేందర్ రెడ్డి మాట్లాడుతూ తెలంగాణలో కరోనా కేసులు తగ్గుతూ వస్తున్నాయన్నారు. గత కొన్ని రోజులుగా చూస్తే.. రాష్ట్రంలో పాజిటివ్ కేసుల సంఖ్య తగ్గుతున్నాయి. నిత్య రెండువేల దాటుతున్న కేసులు గత నాలుగైదు రోజులుగా 15వందల లోపే రికార్డ్ అవుతున్నాయి.

మరోవైపు తెలంగాణాలో రికవరీ రేటు 89.1% శాతంగా ఉంది. ఇండియా రికవరీ రేటు 87.7% శాతంగా ఉంది. తెలంగాణాలో మరణాలు 0.57 %గా ఉన్నాయి. రాష్ట్రంలో నిన్న 42,497 పరీక్షలు చేస్తే ఇప్పటి వరకు 37,89,460 పరీక్షలు చేసారు. ఇక ఎప్పటి లాగానే జీహెచ్ఎంసీ పరిధిలో భారీగా 235 కేసులు నమోదయ్యాయి.