తెలంగాణలో భారీగా తగ్గిన కరోనా కేసులు

తెలంగాణలో కరోనా కేసులు తగ్గుముఖం పడుతున్నాయి. రోజువారీ కొత్త కేసులు 200 నుంచి 400లోపే నమోదవుతున్నాయి. నిన్న 8 గంటల వరకు రాష్ట్రంలో మొత్తం 19,821 కరోనా టెస్టులు నిర్వహించగా, 148 పాజిటివ్ కేసులు నమోదయ్యాయి. దీంతో రాష్ట్రంలో నమోదైన మొత్తం కరోనా కేసుల సంఖ్య 2,93,401కి చేరింది. ఇందులో 2,88,577 మంది కోలుకొని డిశ్చార్జ్ అయ్యారు. 3234 కేసులు యాక్టివ్ గా ఉన్నాయి.

ఇక కరోనా బులెటిన్ ప్రకారం రాష్ట్రంలో కరోనాతో ఒకరు మృతిచెందారు. దీంతో రాష్ట్రంలో ఇప్పటి వరకు నమోదైన కరోనా మరణాల సంఖ్య 1590 కి చేరింది. అటు రాష్ట్రంలో కరోనా వైరస్ వ్యాక్సినేషన్‌ ప్రక్రియ కొనసాగుతోంది. వ్యాక్సినేషన్ తీసుకున్న కొందరు వైద్య సిబ్బంది అస్వస్థతకు గురవ్వడంతో పలువురు ఆందోళన వ్యక్తం చేస్తున్నారు. వ్యాక్సినే తీసుకోవడంలో వెనుకడుగు వేస్తున్నారు. దీంతో కరోనాకు వ్యాక్సిన్ వచ్చిందన్న ఆనందం కన్నా అది వేసుకుంటే ఏమవుతుందోనన్న భయమే ఎక్కువగా ఉంది.

Read More: నిర్మల్‌లో ప్రధాని మోదీకి అవమానం

మరోవైపు గత 24 గంటల్లో 13,203 మందికి కరోనా నిర్ధారణ అయినట్లు కేంద్ర వైద్య, ఆరోగ్య మంత్రిత్వ శాఖ సోమవారం హెల్త్‌ బులిటెన్‌ లో వెల్లడించింది. 13,298 మంది కరోనా నుండి కోలుకున్నారు. ప్రస్తుతం దేశంలో నమోదైన మొత్తం కరోనా కేసుల సంఖ్య 1,06,67,736 కు చేరింది. గడచిన 24 గంటల సమయంలో 131 మంది కరోనాతో మృతి చెందారు.