తెలంగాణలో మళ్లీ పెరుగుతున్న వైరస్.. తాజాగా 1500 దాటిన కేసులు

తెలంగాణలో కరోనా కేసులు మళ్లీ విజృంభిస్తోంది. గత వారం రోజులుగా కాస్త తగ్గిన కేసులు మళ్లీ 1500 దాటి నమోదవుతున్నాయి. తాజాగా గడిచిన 24 గంటల్లో 1,579 పాజిటివ్‌ కేసులు నమోదు అయ్యాయి. దీంతో మొత్తం కేసులు సంఖ్య 2,26,124కు చేరింది. ఐదుగురు కరోనా కారణంగా మరణించారు. దీంతో మరణాల సంఖ్య 1287కు చేరింది . తాజాగా కరోనా నుంచి కోలుకున్నవారు 1811. ఇప్పటివరకు కరోనా నుంచి విజయవతంగా కోలుకున్న వారి సంఖ్య 2,04,388.

Read More:దమ్ముంటే కేసీఆర్‌ను తీసుకురా.. హరీశ్‌ రావుకు డీకే అరుణ గట్టి సవాల్

రాష్ట్రంలో ప్రస్తుతం యాక్టివ్ కేసులు 20,449గా ఉన్నాయి. హోం ఐసోలేషన్‌లో - 17,071మంది ఉన్నారు. రాష్ట్రంలో మరణాల రేటు 0.56 శాతంగా ఉంది. దేశంలో కరోనా మరణాల రేటు 1.5 శాతంగా ఉంది. రాష్ట్రంలో కోలుకున్నవారి రేటు 90.38 శాతం.
దేశంలో కోలుకున్నవారి రేటు 88.8 శాతంగా ఉంది. గడిచిన 24 గంటల్లో అత్యధికంగా పాజిటివ్‌ జీహెచ్ఎంసీ పరిధిలో 256 నమోదు అయ్యాయి. ఖమ్మంలో 106, మేడ్చల్‌ మల్కాజిగిరి - 135, రంగారెడ్డి - 102 రికార్డ్ అయ్యాయి.