తెలంగాణలో కాస్త తగ్గిన కరోనా.. ఇవాళ కేసులు ఎన్నంటే

తెలంగాణాలో కరోనా కేసులు కాస్త తక్కువగా నమోదు అవుతున్నాయి. నిన్నటిలానే ఈరోజు కూడా కరోనా కేసులు రెండువేలకు తక్కువగానే నమోదయ్యాయి. తాజాగా వైద్య ఆరోగ్య శాఖ విడుదల చేసిన బులెటిన్ ప్రకారం 1,811 కేసులు నమోదయ్యాయి. దీంతో ఇప్పటి వరకు రాష్ట్రంలో 2,10,346 కేసులు నమోదు అయ్యాయి. కరోనాతో తాజాగా మరో 9 మంది మరణించారు. దీంతో కరోనా మరణాల సంఖ్య1217 దాటింది. ఇక తెలంగాణా రాష్ట్రంలో ప్రస్తుతం యాక్టివ్ కేసులు 26,104 గా ఉన్నాయి.

Read More: హైదరాబాద్ గోకార్టింగ్ సీజ్.. నిర్వాహకులు అరెస్ట్

ఇక ఇప్పటి వరకు తెలంగాణాలో 1,83,025 మంది కరోనా నుంచి కోలుకున్నారు. నిన్న ఒక్క రోజే 2,072 మంది కరోనా నుంచి కోలుకున్నారు. తెలంగాణాలో రికవరీ రేటు 86.01% శాతంగా ఉంది. ఇండియా రికవరీ రేటు 85.7 % శాతంగా ఉంది. తెలంగాణాలో మరణాలు 0.57 %గా ఉన్నాయి. రాష్ట్రంలో నిన్న 50,469 పరీక్షలు చేస్తే ఇప్పటి వరకు 35,00,394 పరీక్షలు చేసారు. ఇక ఎప్పటి లాగానే జీహెచ్ఎంసీ పరిధిలో భారీగా 291 కేసులు నమోదయ్యాయి.