తెలంగాణ కరోనా కేసులు.. ఇవాళ ఎన్నంటే

తెలంగాణలో కరోనా కేసులు పెరుగుతూనే ఉన్నాయి. అయితే ఇవాళ ఆ కేసుల సంఖ్య కాస్త తగ్గింది. తెలంగాణ వైద్య ఆరోగ్యశాఖ విడుదల చేసిన తాజా కరోనా బులెటిన్‌ ప్రకారం గత 24 గంటల్లో కొత్తగా 2,176 పాజిటివ్‌ కేసులు నమోదు అయ్యాయి. ఎనిమిది మంది కరోనా కారణంగా మృతి చెందారు.దీంతో రాష్ట్రంలో పాజిటివ్‌ కేసుల సంఖ్య 1,79,246కి చేరింది. ఇప్పటి వరకు 1070 మంది మృతిచెందారు.

Read More: హైదరాబాద్‌లో కేసీఆర్ కిట్ పంపిణీలో గోల్ మాల్..

ప్రస్తుతం రాష్ట్రంలో 30,037 యాక్టివ్‌ కేసులు ఉన్నట్టు ప్రభుత్వం పేర్కొంది. ఇప్పటి వరకు కరోనాబారినపడి 1,48,139 మంది పూర్తిగా కోనుకున్నారు. అయితే రికవరీ రేటు విషయంలో తెలంగాణ ప్రజలకు కాస్త ఊరట లభిస్తోంది. భారత్‌లో కరోనా మరణాల రేటు 1.59 శాతంగా ఉంటే.. తెలంగాణలో 0.59 శాతంగా ఉంది. ఇక, కరోనా రికవరీ రేటు దేశవ్యాప్తంగా 81.42 శాతంగా ఉండగా.. తెలంగాణలో 82.64% శాతానికి పెరిగింది. గత 24 గంటల్లో అత్యధికంగా హైదరాబాద్‌లో 308, రంగా రెడ్డి జిల్లాలో 168, మేడ్చల్‌లో 151 పాజిటివ్‌ కేసులు నమోదు అయ్యాయి.