తెలంగాణలో మళ్లీ పెరిగిన కరోనా... తాజా కేసులు ఎన్నంటే

దేశవ్యాప్తంగా కరోనా విజృంభిస్తున్న విషయం తెలిసిందే. ప్రతీ రాష్ట్రంలో నిత్యం ఎంతో కొంత కరోనా కేసులు నమోదవుతూనే ఉన్నాయి. ఇటు తెలుగు రాష్ట్రాల్లో కూడా కరోనా పాజిటివ్ కేసులు పెరుగుతూ వస్తున్నాయి. తెలంగాణలో నిన్న తగ్గినట్లు తగ్గి మళ్లీ పాజిటివ్ కేసులుపెరిగాయి. నిన్న 1300 నమోదైన కేసులు ఇవాళ రెండువేల దాటాయి. తాజాగా రాష్ట్రంలో కొత్తగా 2,166 కొవిడ్‌ పాజిటివ్‌ కేసులు నమోదయ్యాయి. దీంతో మొత్తం ఇప్పటి వరకు నమోదైన కేసుల సంఖ్య 1,74,774కి చేరింది. ఈమేరకు వైద్య ఆరోగ్యశాఖ మంగళవారం ఉదయం బులిటెన్‌ విడుదల చేసింది.

Read More: యువతిపై దాడి.. శేరిలింగంపల్లి కార్పొరేటర్ అరెస్ట్

నిన్న ఒక్కరోజే కరోనాతో 10 మంది మృతి చెందారు. దీంతో మృతుల సంఖ్య 1,052కి చేరింది. కరోనా బారి నుంచి నిన్న ఒక్క రోజే 2,143 మంది కోలుకున్నారు. దీంతో ఇప్పటివరకు కోలుకున్న బాధితుల సంఖ్య 1,44,073 కి చేరింది. రాష్ట్రంలో ప్రస్తుతం 29,649 యాక్టివ్‌ కేసులు ఉన్నాయని, వారిలో 22,620 మంది హోం ఐసోలేషన్‌లో చికిత్స పొందుతున్నారని వైద్య ఆరోగ్యశాఖ తెలిపింది. తాజాగా జీహెచ్‌ఎంసీ పరిధిలో 309 కరోనా కేసులు నమోదయ్యాయి. తెలంగాణాలో రికవరీ రేటు 82.43 శాతంగా ఉంది. ఇండియా రికవరీ రేటు 80.82 శాతంగా ఉంది. తెలంగాణాలో మరణాలు 0.60 శాతంగా ఉన్నాయి.