తెలంగాణలో కొత్తగా 2751 కరోనా పాజిటివ్ కేసులు

తెలంగాణ కరోనా కలకలం రేపుతూనే ఉంది. తాజాగా నమోదైన కేసుల సంఖ్యకు సంబంధించిన వివరాల్ని తెలంగాణ వైద్య ఆరోగ్యశాఖ విడుదల చేసింది. రాష్ట్రవ్యాప్తంగా గడిచిన 24 గంటల్లో కొత్తగా 2751 పాజిటివ్ కేసులు నమోదు అయ్యాయి. 9 మంది మృతి చెందారు. దీంతో రాష్ట్రంలో ఇప్పటివరకు నమోదైన మొత్తం కేసుల సంఖ్య లక్షా 20,126కు చేరింది. తాజాగా 1,675 మంది కోలుకోగా ఇప్పటివరకు 89,350 మంది కోలుకున్నారు. 23,049 మంది చికిత్స పొందుతున్నారు.

రాష్ట్రంలో మొత్తం కరోనా మరణాల సంఖ్య 808 కి పెరిగింది. గత 24 గంటల్లో రాష్ట్ర వ్యాప్తంగా 62,300 కరోనా టెస్టులు చేశారు. గడిచిన 24 గంటల్లో తెలంగాణలో 1675 మంది కోలుకొని డిశ్చార్జ్ అయ్యారు. హైదరాబాద్ లో ఎప్పటి లానే భారీగా 432 కేసులు నమోదయ్యాయి. తెలంగాణలో కరోనా మరణాల రేటు 0.68 ఉందని వైద్య ఆరోగ్యశాఖ వెల్లడించింది. కోలుకున్న వారి రేటు 75.2కు చేరుకుంది. కరీంనగర్‌ 192, రంగారెడ్డి 185, నల్గొండ 147, ఖమ్మం 132, మేడ్చల్‌ మల్కాజ్‌గిరి 128, నిజామాబాద్‌ 133, సూర్యాపేఏట 111, వరంగల్‌ అర్బన్‌ 101 పాజిటివ్‌ కేసులు నిర్ధారణ అయ్యాయి.