తెలంగాణలో తగ్గుతున్న కరోనా కేసులు.. ఇవాళ ఎన్నంటే

తెలంగాణలో కరోనా కేసుల ఉధృతి క్రమంగా తగ్గుతున్నది. గత కొన్ని రోజులుగా రాష్ట్రంలో కేసుల సంఖ్య గణనీయంగా తగ్గిపోయింది. తాజాగా రిలీజ్ చేసిన కరోనా బులెటిన్ ప్రకారం రాష్ట్రంలో కొత్తగా 509 కరోనా కేసులు నమోదయ్యాయి. రాష్ట్రంలో నిన్న రాత్రి 8గంటల వరకు 48,652 కరోనా నిర్థారణ పరీక్షలు నిర్వహించారు. ఈమేరకు వైద్య ఆరోగ్యశాఖ గురువారం ఉదయం బులిటెన్‌ విడుదల చేసింది. నిన్న కరోనాతో ముగ్గురు మృతి చెందారు. దీంతో మృతుల సంఖ్య 1,505కి చేరింది.

Read More: ప్రాణం తీసిన ఓవర్ టేక్.. అతివేగంతో ముగ్గురు మృతి

దీంతో రాష్ట్రంలో నమోదైన మొత్తం కరోనా కేసుల సంఖ్య 2,79,644కి చేరింది. ఇందులో 2,70,967 మంది కోలుకొని డిశ్చార్జ్ కాగా, 7,172 కేసులు యాక్టివ్ గా ఉన్నాయి. ఇంతవరకు తెలంగాణలో నిర్వహించిన మొత్తం కరోనా టెస్టుల సంఖ్య 63,06,397కి చేరింది. రాష్ట్రంలో కొవిడ్‌ మరణాల రేటు 0.53శాతంగా ఉందని, రికవరీ రేటు 96.89శాతంగా ఉందని చెప్పింది. . తాజాగా నమోదైన కేసుల్లో అత్యధికంగా గ్రేటర్‌ హైదరాబాద్‌ పరిధిలో 104, మేడ్చల్‌ మల్కాజ్‌గిరిలో 45, రంగారెడ్డి జిల్లాలో 42 కేసులు రికార్డయ్యాయి.