తెలంగాణ ప్రజలకు శుభవార్త.. భారీగా తగ్గిన కరోనా కేసులు

తెలంగాణలో కరోనా కేసులు భారీగా తగ్గుతున్నాయి. తాజాగా 948 కరోనా కేసులు నమోదవుతున్నాయి. ఆదివారం రాత్రి 8గంటల వరకు నిర్వహించిన కరోనా నిర్థారణ పరీక్షలతో మొత్తం ఇప్పటివరకు నమోదైన కేసుల సంఖ్య 2,23,059కి చేరింది. ఈమేరకు వైద్య ఆరోగ్యశాఖ ఇవాళ ఉదయం బులిటెన్‌ విడుదల చేసింది. కరోనాతో నిన్న ఒక్క రోజే నలుగురు మృతి చెందారు. ఇప్పటి వరకు మృతి చెందిన వారి సంఖ్య 1,275కి చేరింది.

Read More: కేటీఆర్‌‌కు హైస్కూల్ టీచర్ ట్వీట్... వెంటనే స్పందించిన మంత్రి

రాష్ట్రంలో ప్రస్తుతం 21,091 యాక్టికవ్‌ కేసులు ఉన్నట్లు రాష్ట్ర ఆరోగ్యశాఖ బులిటెన్‌ పేర్కొంది. వీరిలో 17,432 మంది హోం ఐసోలేషన్‌లో చికిత్స పొందుతున్నారు. కరోనా నుంచి తాజాగా మరో 1,896 మంది బాధితులు కరోనా నుంచి కోలున్నారు. దీంతో ఇప్పటి వరకు కోలుకున్న వారి సంఖ్య 2,00,686కి చేరింది. ఇక ఎప్పటిలాగే జీహెచ్‌ఎంసీ పరిధిలో నిన్న 212 కొత్త కేసులు నమోదయ్యాయి.
కరోనా బాధితుల రికవరీ రేటు భారత్‌లో 88.02శాతం ఉండగా.. రాష్ట్రంలో 89.96 శాతంగా ఉంది. అదే సమయంలో దేశంలో కరోనా మరణాల రేటు 1.5 శాతం ఉండగా.. తెలంగాణలో 0.57 శాతంగా ఉందని పేర్కొంది.