కొత్త సచివాలయం: రాష్ట్ర ఉద్యోగ సంఘాల వైఖరి ఇలా..

తెలంగాణలో కొత్త సచివాలయాన్ని తలపెట్టడాన్ని విపక్షాలు వ్యతిరేకిస్తున్న సంగతి తెలిసిందే. కొవిడ్ మహమ్మారి కోరలు చాస్తున్న తరుణంలో పాత సచివాలయ భవనాలను కూల్చే అవసరం ఏముందని కూడా ప్రశ్నిస్తున్నాయి. ప్రస్తుతానికి వాటిని తాత్కాలిక కొవిడ్ ఆస్పత్రుల్లా వాడుకోవచ్చని సూచిస్తున్నాయి. సచివాలయం కూల్చివేతకు అనుమతిస్తూ.. జూన్ 29న హైకోర్టు ఇచ్చిన తీర్పును సవాల్ చేస్తూ.. కాంగ్రెస్ నేత జీవన్ రెడ్డి సుప్రీం కోర్టులో పిటిషన్ దాఖలు చేశారు. ఇది సోమవారం విచారణకు రానుంది. దీంతో అప్పటి వరకూ కూల్చివేత పనులు ఆపాలని హైకోర్టు శుక్రవారం మధ్యంతర ఉత్తర్వులు ఇచ్చింది.

మరోవైపు, తెలంగాణ రాష్ట్ర ఉద్యోగుల సంఘం మాత్రం కొత్త సచివాలయం వైపే మొగ్గు చూపుతోంది. పాలనా సౌలభ్యం కోసం కొత్త భవనం కట్టాల్సిందేనని స్పష్టం చేసింది. మంత్రులు, ఐఏఎస్‌లు, సిబ్బంది వేర్వేరు చోట్ల ఉంటే ఇబ్బందులు వస్తాయని పేర్కొంది. పాత సచివాలయంలో మరుగుదొడ్ల వసతి కూడా సరిగ్గా లేదని సంఘం నాయకులు వెల్లడించారు. ఆలయం, మసీదుకు జరిగిన నష్టంపై సీఎం కేసీఆర్‌ వివరణను స్వాగతిస్తున్నామని చెప్పారు.

Also Read: మంత్రి ఎస్కార్ట్ వాహనం బోల్తా.. తెగిపోయిన బొటన వేలుMust Read: ఆటోలో కరోనా మృతదేహం.. నిజామాబాద్‌లో ఘోరం

2014లో రాష్ట్ర విభజన తర్వాత ఆంధ్రప్రదేశ్‌ ప్రభుత్వం పరిపాలను క్రమంగా అమరావతికి తరలించుకున్నా, చాలా రోజులు ఆ భవనాలు మాత్రం ఏపీ ప్రభుత్వ ఆధీనంలోనే ఉన్నాయి. ఏపీలో సీఎంగా జగన్మోహన్‌రెడ్డి అధికారం చేపట్టాకే, ఆ భవనాలు తెలంగాణకు అప్పగించారు. ముఖ్యమంత్రి కేసీఆర్‌‌తో జగన్ చర్చల సందర్భంలో ఆ భవనాల విషయం ప్రస్తావనకు వచ్చింది. ఈ సందర్భంలోనే భవనాలు తెలంగాణకు అప్పగించేలా ఒప్పందం కుదిరింది.

Also Read: undefined