తెలంగాణ కాంగ్రెస్‌ను ఎన్నికలకు సమాయత్తం చేసేందుకే ఏఐసీసీ రాష్ట్ర వ్యవహారాల ఇంఛార్జ్ మాణిక్ రావు ఠాక్రే సమావేశాలు నిర్వహిచారని తెలిపారు టీపీసీసీ అధ్యక్షుడు రేవంత్ రెడ్డి. తెలంగాణలో ఇది ఎన్నికల సంవత్సరమని, అందుకే కొత్త ఇంఛార్జ్‌గా బాధ్యతలు చేపట్టిన ఠాక్రే.. పార్టీ నేతలతో వరుసగా రెండు రోజుల పాటు సమావేశమయ్యారన్నారు. పార్టీ రాజకీయ వ్యవహారాల కమిటీ, ఎగ్జిక్యూటివ్ కమిటీ, డీసీసీ, సీసీసీ అధ్యక్షులు, రాష్ట్ర ప్రధాన కార్యదర్శులు, అనుబంధ సంఘాల నేతలతో సమావేశమయ్యారని ఆయన తెలిపారు. ఇటు పార్టీలో, అటు రాజకీయంగా ఠాక్రేకు సుదీర్ఘ అనుభవం ఉందని రేవంత్ తెలిపారు. యూత్ కాంగ్రెస్ నుంచి పీసీసీ అధ్యక్షుడి వరకు అనేక బాధ్యతలు నిర్వర్తించిన అనుభవం ఆయనకు ఉందన్నారు. ముంబైలో బాంబు బ్లాస్ట్, మతకల్లోలాలు జరిగిన సమయంలో ఆయన హోంమంత్రిగా ఉన్నారని, అలాంటి క్లిష్ట పరిస్థితుల్లో హోంమంత్రిగా ఠాక్రే ఎంతో సమర్థవంతంగా పని చేశారని గుర్తు చేశారు రేవంత్.
ఠాక్రే రెండు రోజుల పర్యటనలో జనవరి 26 నుంచి జరిగే హాత్ సే హాత్ జోడో యాత్రపై పార్టీలో అందరితో మాట్లాడారని రేవంత్ తెలిపారు. సంక్రాంతి తరువాత క్షేత్ర స్థాయిలో పర్యటించి యాత్రకు సంబంధించి మండల, జిల్లా కమిటీలను ఏర్పాటు చేసుకోవాలని నేతలకు సూచించినట్లు ఆయన తెలిపారు. సమన్వయంతో జనవరి 20 లోపు ఈ ప్రక్రియను పూర్తి చేయాలని ఠాక్రే తెలిపారని.. 21న మరోసారి పర్యటించి పూర్తి స్థాయిలో హాత్ సే హాత్ జోడో యాత్ర కమిటీలను ఆయన ప్రకటిస్తారన్నారు రేవంత్.
ఠాక్రే రెండు రోజుల పర్యటనలో జనవరి 26 నుంచి జరిగే హాత్ సే హాత్ జోడో యాత్రపై పార్టీలో అందరితో మాట్లాడారని రేవంత్ తెలిపారు. సంక్రాంతి తరువాత క్షేత్ర స్థాయిలో పర్యటించి యాత్రకు సంబంధించి మండల, జిల్లా కమిటీలను ఏర్పాటు చేసుకోవాలని నేతలకు సూచించినట్లు ఆయన తెలిపారు. సమన్వయంతో జనవరి 20 లోపు ఈ ప్రక్రియను పూర్తి చేయాలని ఠాక్రే తెలిపారని.. 21న మరోసారి పర్యటించి పూర్తి స్థాయిలో హాత్ సే హాత్ జోడో యాత్ర కమిటీలను ఆయన ప్రకటిస్తారన్నారు రేవంత్.
- Read More Telangana News And Telugu News