యాప్నగరం

Revanth Reddy: ప్రధానిపై రేవంత్ రెడ్డి ప్రశ్నల వర్షం.. ముందు ఆ వ్యాఖ్యలపై క్షమాపణ చెప్పాలంటూ డిమాండ్

టీపీసీసీ చీఫ్ రేవంత్ రెడ్డి ప్రధాని నరేంద్ర మోదీకి ఓ బహిరంగ లేఖ రాశారు. ఈ సందర్భంగా ప్రధానిపై ప్రశ్నల వర్షం కురిపించారు. రాష్ట్రానికి సంబంధించిన 9 అంశాలపై మోదీకి ప్రశ్నలు సంధించారు. ఆ ప్రశ్నలకు సమాధానమివ్వాల్సిందేనన్నారు.

Authored byRaj Kumar | Samayam Telugu 26 May 2022, 11:46 am
దేశ ప్రధాని నరేంద్ర మోదీకి టీపీసీసీ చీఫ్ రేవంత్ రెడ్డి బహిరంగ లేఖ రాశారు. ఎనిమిదేళ్లుగా ప్రజల ఆకాంక్షలు నెరవేర్చడంలో బీజేపీ, టీఆర్ఎస్ ప్రభుత్వాలు విఫలమయ్యాయని ఆరోపించారు. రాష్ట్రానికి వస్తున్న ప్రధాని మోదీ.. తెలంగాణ ఏర్పాటుపై చేసిన వ్యాఖ్యల పట్ల క్షమాపణ చెప్పాలని డిమాండ్ చేశారు. రాష్ట్రంలోని అంశాలపై రేవంత్ 9 ప్రశ్నలు సంధిస్తూ సమాధానలు చెప్పాలని లేఖలో కోరారు.
Samayam Telugu Revanth Modi


కాళేశ్వరంలో అవినీతిపై సీబీఐ విచారణకు ఎందుకు ఆదేశించడం లేదని రేవంత్ ప్రశ్నించారు. నిజామాబాద్‌కు ఇచ్చిన పసుపు బోర్డు హామీని నెరవేర్చుతారా? లేదా? అంటూ నిలదీశారు. విభజన హామీల్లో భాగంగా బయ్యారం స్టీల్‌ ఫ్యాక్టరీ, కాజీపేట కోచ్‌ ఫ్యాక్టరీ, ఐటీఐఆర్‌ ప్రాజెక్టులకు ఎందుకు ప్రాధాన్యత ఇవ్వట్లేదని అని అడిగారు రేవంత్. నైనీ కోల్‌ మైన్స్‌ టెండర్లలో అవినీతి జరిగిందని ఆధారాలతో సహా ఫిర్యాదు చేసినా చర్యలెందుకు తీసుకోవడం లేదని ప్రశ్నించారు.

గిరిజన విశ్వవిద్యాలయం ఏర్పాటులో జాప్యం ఎందుకు అని రేవంత్ నిలదీశారు. రామాయణం సర్క్యూట్‌ ప్రాజెక్టులో భద్రాద్రి రాముడికి చోటెందుకు ఇవ్వలేదంటూ బహిరంగ లేఖలో టీపీసీసీ చీఫ్ ప్రశ్నల వర్షం కురిపించారు.
రచయిత గురించి
Raj Kumar

తరవాత కథనం

Telugu News App: ఏపీ, తెలంగాణకు సంబంధించిన లేటెస్ట్ అప్‌డేట్స్‌, జాతీయ, అంతర్జాతీయ, ఎడ్యుకేషన్, బిజినెస్, సినిమా, ఆధ్యాత్మికం, స్పోర్ట్స్, వైరల్ కథనాల కోసం తెలుగు సమయం యాప్‌ను డౌన్‌లోడ్ చేసుకోండి.
తాజా వార్తల అప్డేట్ల కోసం Samayam Telugu ఫేస్‌బుక్పేజీను లైక్ చెయ్యండి.