గోల్కొండలో గన్‌తో టీఆర్ఎస్ నేతల హల్‌చల్.. బీజేపీతో వాగ్వాదం

హైదరాబాద్ గ్రేటర్ ఎన్నికల ప్రచారం ముగిసింది. ఇప్పుడు నగరంలో డబ్బుల పంపిణీ కలకలం మొదలయ్యింది. ఓవైపు ప్రతిపక్షాలు అధికార పక్షం డబ్బులు పంచుతుందని ఆరోపణలు చేస్తూనే ఉంది. ఈ క్రమంలో గోల్కొండ పోలీస్ స్టేషన్ పరిధిలోని తారామతి బారాదరిలో టిఆర్ఎస్ కి సంబంధించిన నేతలు డబ్బుల పంపిణీ చేస్తున్నారని సమాచారంతో అక్కడికి బీజేపీ కార్యకర్తలు చేరుకున్నారు. దీంతో ఇరు వర్గాల మధ్య తోపులాట జరిగింది.

Read More: బెట్టింగుల కోసం దారుణం.. తల్లి సోదరికి విషం పెట్టిన యువకుడు

ఎన్నికల ప్రచారం ముగిశాక టీఆర్ఎస్ నేతలు ఎందుకు వచ్చారంటూ బీజేపీ కార్యకర్తలు వారితో వాగ్వాదానికి దిగారు. చాయ్ తాగడానికి వచ్చామని వారి చెప్పినా వినలేదు. యాకూబ్ రెడ్డి అనే టిఆర్ఎస్ నేత వెంట ఉన్న ఓ వ్యక్తి వద్దా రివాల్వర్ గమనించిన బీజేపీ నేతలు హడలిపోయారు. గన్‌కు లైసెన్స్ చూపించాలంటూ నిలదీశారు. దీంతో ఇరువర్గాల మధ్య తీవ్ర వాగ్వాదం జరిగింది. దీనిపై సమాచారం అందుకున్న పోలీసులు రంగ ప్రవేశం చేసి ఇరువర్గాలను శాంతింప జేశారు. బిజెపి నేతలు మాట్లాడుతూ పోలీసులు వారికి తొత్తులుగా మారారని వాపోయారు.