Trs Mla Balka Suman Fires On Congress Mp Revanth Reddy Over Ktr Farmhouse Issue
కొంత మంది కుక్కలు మొరిగితే కేసీఆర్కు ఏం కాదు, రేవంత్ పెద్ద పోటుగాడా.. బాల్క సుమన్ ఫైర్
Balka Suman: కాంగ్రెస్ వర్కింగ్ ప్రెసిడెంట్, ఎంపీ రేవంత్ రెడ్డిపై టీఆర్ఎస్ ఎమ్మెల్యే బాల్క సుమన్ ఘాటు వ్యాఖ్యలు చేశారు. బ్లాక్ మెయిలింగ్కు రేవంత్ రెడ్డి బ్రాండ్ అంబాసిడర్ అని వ్యాఖ్యానించారు. రేవంత్ బతుకంతా బ్లాక్ మెయిల్ బతుకేనని.. ఎదుటివారిపైన బురద జల్లడమే ఆయన పని అని సుమన్ ధ్వజమెత్తారు. శంకర్పల్లిలో మంత్రి కేటీఆర్ ఫార్మ్ హౌస్ విషయంలో రేవంత్ రెడ్డి చేసిన వ్యాఖ్యలపై బాల్క సుమన్ తీవ్ర స్థాయిలో విరుచుకుపడ్డారు. తెలంగాణ భవన్లో సోమవారం (మార్చి 2) సాయంత్రం ఏర్పాటు చేసిన మీడియా సమావేశంలో ఆయన మాట్లాడారు.
Samayam Telugu3 Mar 2020, 1:04 am
Balka Suman: కాంగ్రెస్ వర్కింగ్ ప్రెసిడెంట్, ఎంపీ రేవంత్ రెడ్డిపై టీఆర్ఎస్ ఎమ్మెల్యే బాల్క సుమన్ ఘాటు వ్యాఖ్యలు చేశారు. బ్లాక్ మెయిలింగ్కు రేవంత్ రెడ్డి బ్రాండ్ అంబాసిడర్ అని వ్యాఖ్యానించారు. రేవంత్ బతుకంతా బ్లాక్ మెయిల్ బతుకేనని.. ఎదుటివారిపైన బురద జల్లడమే ఆయన పని అని సుమన్ ధ్వజమెత్తారు. శంకర్పల్లిలో మంత్రి కేటీఆర్ ఫార్మ్ హౌస్ విషయంలో రేవంత్ రెడ్డి చేసిన వ్యాఖ్యలపై బాల్క సుమన్ తీవ్ర స్థాయిలో విరుచుకుపడ్డారు. తెలంగాణ భవన్లో సోమవారం (మార్చి 2) సాయంత్రం ఏర్పాటు చేసిన మీడియా సమావేశంలో ఆయన మాట్లాడారు.
కేటీఆర్ సతీమణి పేరుపై ఆ భూమి..
మంత్రి కేటీఆర్ 2014, 2018 ఎన్నికల ఆఫిడవిట్లలోనే భూముల వివరాలను స్పష్టంగా చూపించారని బాల్క సుమన్ తెలిపారు. శంకర్పల్లి ఫామ్హౌస్ను కేటీఆర్ లీజుకు తీసుకున్నారని వెల్లడించారు. రేవంత్ రెడ్డిపై ఎన్నో భూ బాగోతాలు బయటకు వచ్చాయని.. ఒక్కదానిపై కూడా ఆయన వివరణ ఇవ్వలేదని సుమన్ గుర్తుచేశారు. కేటీఆర్ ఇమేజ్ను దెబ్బతీయడానికే రేవంత్ కుట్రలు చేస్తున్నారని దుయ్యబట్టారు. ‘రేవంత్ది నీచపు బుద్ధి, చీకటి బతుకు. శంకర్పల్లిలో కేటీఆర్ సతీమణి పేరుపై కేవలం 8 ఎకరాల 9 గుంటల భూమి మాత్రమే ఉంది. మరి కొంత భూమిని లీజుకు తీసుకొని నిబంధనల ప్రకారం డబ్బులు చెల్లిస్తున్నారు. రేవంత్ చూపెడుతున్న డాక్యుమెంట్లోనూ ఈ వివరాలు ఉన్నాయి. నోరు పెద్దది చేసుకొని అరిస్తే.. ప్రజలు నమ్ముతారని ఆయన అపోహ పడుతున్నాడు’ అని బాల్క సుమన్ విమర్శించారు.
ఆ భూములపై నోరు విప్పాలి..
రేవంత్ వ్యవహారం దొంగే దొంగ అని అరిచినట్లుగా ఉందని బాల్క సుమన్ ధ్వజమెత్తారు. రేవంత్ రెడ్డి సోదరులు గోపన్పల్లిలో దళితుల భూములను కబ్జా చేశారని.. ఈ భూముల వ్యవహారంపై రేవంత్ రెడ్డి నోరు విప్పాలని డిమాండ్ చేశారు. చేసిన తప్పులను కప్పిపుచ్చుకోవడానికి రేవంత్ కుటిల ప్రయత్నాలు చేస్తున్నారని ఆరోపించారు. ‘రేవంత్ రెడ్డి కొండను తవ్వి ఎలుకను కాదు కదా.. ఏమీ పట్టలేకపోయాడు. ఆయన బట్ట కాల్చి మీద వేస్తున్నాడు. తాను తప్పించుకునేందుకే కేటీఆర్పై ఆరోపణలు చేస్తున్నాడు’ అని బాల్క సుమన్ ధ్వజమెత్తారు. పోలీసులతో ఆయన అనుచితంగా ప్రవర్తించారని ఆరోపించారు.
చిల్లర ప్రయత్నాలు మానుకోవాలి..
రేవంత్ రెడ్డిపై విమర్శలు చేస్తూ.. ఎమ్మెల్యే బాల్క సుమన్ ఒకింత ఘాటు వ్యాఖ్యలు చేశారు. ‘కొంత మంది పిచ్చికుక్కలు మొరిగినంత మాత్రాన సీఎం కేసీఆర్, కేటీఆర్కు ఏం కాదు. రేవంత్ లాంటి చిల్లరగాళ్లను వేధించాల్సిన పని ప్రభుత్వానికి లేదు. ఆయన పెద్ద పోటుగాడు కాదు. ప్రైవేట్ ఆర్మీని పెట్టి దోచుకున్న అక్రమాల పుట్ట పగిలింది. రేవంత్ రెడ్డి చూపెట్టిన డాక్యుమెంట్ను కేటీఆర్ ప్రతి అఫిడవిట్లో చూపెట్టారు. ఇప్పటికైనా ఆయన చిల్లర ప్రయత్నాలు మానుకోవాలి’ అని బాల్క సుమన్ పేర్కొన్నారు.
పట్నం గోస అంటే అర్థమదే..
మల్కాజ్గిరి పార్లమెంట్ పరిధిలో ఎంపీ రేవంత్ రెడ్డి ప్రారంభించిన పట్నం గోస కార్యక్రమంపై బాల్క సుమన్ తనదైన శైలిలో విమర్శలు కురిపించారు. ‘గత అసెంబ్లీ ఎన్నికల్లో కొడంగల్లో ఆయన (రేవంత్ రెడ్డి) తన ఓటమిని మరిచిపోలేకపోతున్నాడు. పట్నం నరేందర్ చేతిలో ఓటమి పాలైన ఆయన పట్నం గోస అనే కార్యక్రమాన్ని చేపట్టారు’ అంటూ బాల్క సుమన్ ఎద్దేవా చేశారు. పేదలకు అండగా ఉండాల్సిన ప్రజాప్రతినిధి కబ్జాకోరు అవతారమెత్తాడంటూ ఆయన ధ్వజమెత్తారు.
మేం నిఖార్సైన ఉద్యమకారులం..
‘టీఆర్ఎస్ ఉద్యమ పార్టీ. మేమంతా ఉద్యమకారులం. సీఎం కేసీఆర్ నాయకత్వంలో ఆనాడు నిఖార్సయిన ఉద్యమకారుల్లా తెలంగాణ కోసం కొట్లాడాం. ఇప్పుడు రాష్ట్ర పునర్నిర్మాణం కోసం కృషి చేస్తున్నాం. సీఎం కేసీఆర్ నాయకత్వంలో, మంత్రి కేటీఆర్ కృషితో తెలంగాణ, హైదరాబాద్ బ్రాండ్ ఇమేజ్ పెరిగింది. అలాంటి కేటీఆర్పై బురదజల్లి తప్పులు కప్పిపుచ్చుకునే ప్రయత్నం రేవంత్ రెడ్డి చేస్తున్నాడు’ అని బాల్క సుమన్ దుయ్యబట్టారు.
We use cookies and other tracking technologies to provide services in line with the preferences you reveal while browsing the Website to show personalize content and targeted ads, analyze site traffic, and understand where our audience is coming from in order to improve your browsing experience on our Website. By continuing to browse this Website, you consent to the use of these cookies. If you wish to object such processing, please read the instructions described in our privacy policy/cookie policy.