పార్లమెంట్‌లో ఎంపీ కేకేకు కీలక బాధ్యతలు.. సీఎం కేసీఆర్ అభినందనలు

టీఆర్‌ఎస్ పార్లమెంటరీ పార్టీ నేత, రాజ్యసభ సభ్యుడు కే కేశవరావు (కేకే)కు పార్లమెంట్‌లో కీలక బాధ్యతలు దక్కాయి. పరిశ్రమల విభాగం పార్లమెంటరీ స్థాయీ సంఘం ఛైర్మన్‌గా ఆయణ్ని నియమించారు. ఈ మేరకు లోక్‌సభ సెక్రటరీ జనరల్ శనివారం (సెప్టెంబర్ 14) ఓ ప్రకటన విడుదల చేశారు. ఈ కమిటీలో మొత్తం 31 మంది సభ్యులు ఉంటారు. వీరిలో 21 మంది లోక్ సభ, 10 మంది రాజ్యసభ సభ్యులు ఉంటారు. వీరికి కేశవరావు నేతృత్వం వహిస్తారు.

లోక్‌సభలో ప్రాధాన్యం ఉన్న కమిటీకి తనను ఛైర్మన్‌గా ఎంపిక చేయడం పట్ల కేశవరావు హర్షం వ్యక్తం చేశారు. ముఖ్యమంత్రి కేసీఆర్‌ను కలిసి తనను ఛైర్మన్‌గా నియమించిన విషయాన్ని తెలిపారు. కేశవరావుకు అభినందనలు చెప్పిన కేసీఆర్.. ఆయణ్ని శాలువా కప్పి సన్మానించారు.

Don't Miss: అసెంబ్లీలో సీఎం కేసీఆర్‌పై ఎంఐఎం ఎమ్మెల్యే అక్బరుద్దీన్ ప్రశంసలు

అటు వాణిజ్యంపై పార్లమెంటరీ కమిటీకి వైయస్సార్‌సీపీ పార్లమెంటరీ పార్టీనేత శ్రీ విజయసాయి రెడ్డి ఎంపికయ్యారు. ఈ కమిటీలోనూ 21 మంది లోక్‌సభ సభ్యులు, 10 మంది రాజ్యసభ సభ్యులు ఉంటారు.