ఈ సీనియర్ మంత్రి ఇలాకాలో TRS అట్టర్ ప్లాఫ్.. కనీసం ఒక్కటి కూడా.. కారణం ఏంటంటే!

హైదరాబాద్ మున్సిపల్ కార్పొరేషన్ ఎన్నికల్లో టీఆర్ఎస్‌కు ఎంతగా నిరాశాజనక ఫలితాలు వచ్చాయో తెలిసిందే. 2016 మున్సిపల్ ఎన్నికల్లో 99 సీట్లు గెల్చుకున్న గులాబీ పార్టీ ఇప్పుడు కేవలం 55 స్థానాలతో సరిపెట్టుకోవాల్సి వచ్చింది. ఇందుకు ఆ పార్టీ చేసిన అనేక తప్పిదాలు కారణంగా చెప్పుకోవచ్చు.

Must Read: undefined

అంతేకాక, టీఆర్ఎస్ పార్టీలో కీలక నేతగా, హోం మంత్రిగా ఉన్న మహమూద్‌ అలీ ఇలాకాలో టీఆర్ఎస్ పార్టీ ఘోరంగా విఫలం కావడం ఆశ్యర్యానికి గురి చేస్తోంది. ఆ నియోజకవర్గంలో టీఆర్ఎస్ కనీసం ఒక్క సీటును కూడా తన ఖాతాలో వేసుకోలేకపోయింది. ఆయన నియోజకవర్గమైన మలక్‌పేటలో 7 డివిజన్లు ఉన్నాయి. వీటిలో 5 ఎంఐఎం గెలుచుకుంది. మరో 2 బీజేపీ దక్కించుకుంది. గతంలో ముసారాంబాగ్, సైదాబాద్‌ డివిజన్లను టీఆర్‌ఎస్‌ గెలుచుకోగా ఇప్పుడు ఆ రెండు డివిజన్లలో బీజేపీ జెండా పాతింది. దీంతో ఇది పార్టీకి కోలుకోలేని దెబ్బ అని రాజకీయ విశ్లేషకులు అభిప్రాయపడుతున్నారు.

హోంమంత్రి మహమూద్ అలీ.. నియోజకవర్గ ఇంచార్జి, డివిజన్‌ అధ్యక్షులు పార్టీ అభ్యర్థుల గెలుపు కోసం ప్రచారం చేసినప్పటికీ.. ఎంఐఎం ఫ్రెండ్లీ కంటెస్ట్‌తో ఇతర పార్టీల నాయకులతో ప్రచారం చేయవద్దని ఒత్తిడి వచ్చింది. దీంతో హోంమంత్రి తూతూ మంత్రంగా ప్రచారం చేశారు. ఫ్రెండ్లీ కంటెస్ట్‌ లేకపోతే కనీసం మూసారాంబాగ్, సైదాబాద్, అక్బర్‌బాగ్, ఓల్డ్‌ మలక్‌పేట డివిజన్లను గెలిచేవారమని టీఆర్‌ఎస్‌ నాయకులు అంటున్నారు. ఏది ఏమైనా మలక్‌పేట నియోజకవర్గంలో టీఆర్‌ఎస్‌ను గ్రేటర్‌ ఫలితాలు కోలుకోలేని దెబ్బ తీశాయని రాజకీయ విశ్లేషకులు పేర్కొంటున్నారు.

Also Read: మేయర్ ఛాన్స్ ఈమెకేనా? రేసులో ముందంజ, ఇప్పటికే పిలుపు!