ఆర్టీసీ ప్రయాణికులపై త్వరలో ఛార్జీల పెంపు భారం పడనుంది. తెలంగాణ ప్రభుత్వం చివరిసారిగా 2019 డిసెంబరులో ఛార్జీలు పెంచింది. అప్పట్లో కనీస ఛార్జీని రూ. 5 నుంచి రూ. 10కి చేరుస్తూ మొత్తంగా ఛార్జీలను 20 శాతం వరకు పెంచింది. దాంతో ఆర్టీసీ రోజువారీ ఆదాయం రూ. 4 కోట్ల మేరకు పెరిగింది. అయితే 2020 మార్చిలో లాక్‌డౌన్‌ ప్రారంభం కావటంతో బస్సులు డిపోలకే పరిమితమయ్యాయి.
మధ్యలో బస్సులు మళ్లీ రోడ్లెక్కినా సెకండ్ వేవ్ కారణంగా మళ్లీ మూలకు చేరాయి. మహమ్మారి తగ్గుముఖం పట్టడంతో ఇప్పుడిప్పుడే ఆదాయం పుంజుకుంటోంది. కొద్దిరోజుల కిందటే రోజువారీ ఆదాయం రూ. 13 కోట్లు దాటింది. అయినప్పటికీ డీజిల్‌, విడిభాగాల ధరలు పెరగడంతో వచ్చే ఆదాయం నిర్వహణకు కూడా సరిపోవడం లేదు. దీంతో ఈసారి కనీసం 10-20 శాతం మేరకు ఛార్జీలు పెంచాలని అధికారులు కసరత్తు చేస్తున్నారు. 20 శాతం ఛార్జీలు పెంచితే రోజువారీ ఆదాయం రూ. 6 నుంచి రూ. 7 కోట్ల వరకు పెరుగుతుందని అంచనా. ఏడాదిలో కనీసం 175 రోజుల పాటు ఆ మేరకు ఆదాయం వస్తే రూ. వెయ్యి కోట్ల వరకు అదనపు ఆదాయం వస్తుందని భావిస్తున్నారు.
మధ్యలో బస్సులు మళ్లీ రోడ్లెక్కినా సెకండ్ వేవ్ కారణంగా మళ్లీ మూలకు చేరాయి. మహమ్మారి తగ్గుముఖం పట్టడంతో ఇప్పుడిప్పుడే ఆదాయం పుంజుకుంటోంది. కొద్దిరోజుల కిందటే రోజువారీ ఆదాయం రూ. 13 కోట్లు దాటింది. అయినప్పటికీ డీజిల్‌, విడిభాగాల ధరలు పెరగడంతో వచ్చే ఆదాయం నిర్వహణకు కూడా సరిపోవడం లేదు. దీంతో ఈసారి కనీసం 10-20 శాతం మేరకు ఛార్జీలు పెంచాలని అధికారులు కసరత్తు చేస్తున్నారు. 20 శాతం ఛార్జీలు పెంచితే రోజువారీ ఆదాయం రూ. 6 నుంచి రూ. 7 కోట్ల వరకు పెరుగుతుందని అంచనా. ఏడాదిలో కనీసం 175 రోజుల పాటు ఆ మేరకు ఆదాయం వస్తే రూ. వెయ్యి కోట్ల వరకు అదనపు ఆదాయం వస్తుందని భావిస్తున్నారు.