US: అమెరికాలో విషాదం చోటుచేసుకుంది. వీకెండ్‌ను సరదాగా ఎంజాయ్ చేసేందుకు వెళ్లిన తెలంగాణకు చెందిన ఇద్దరు విద్యార్థులు తిరిగి విగతజీవులుగానే దొరికారు. వారాంతం కావటంతో మిస్సోరిలోని ఓజార్క్ లేక్‌లో ఇద్దరు స్నేహితులు ఈతకు వెళ్లగా.. ప్రమాదవశాత్తు నీటిలో గల్లంతయ్యారు. సమాచారం అందుకున్న అక్కడి సిబ్బంది గాలింపు చేపట్టగా.. ఇద్దరి మృతదేహాలు లభ్యమయ్యాయి. ఈ ఇద్దరు విద్యార్థులు మిస్సోరిలోని సెయింట్‌ లూయిస్‌ యూనివర్సిటీలో మాస్టర్స్‌ డిగ్రీ చేస్తున్నారు. హనుమకొండకు జనార్ధన్‌, ఝాన్సీ లక్ష్మీ కుమారుడు ఉత్తేజ్.. హెల్త్‌ సైన్స్‌ డేటాలో మాస్టర్స్‌ చేసేందుకు గతేడాది ఆగస్టులో అమెరికా వెళ్లాడు. వికారాబాద్‌ జిల్లా తాండూరుకు చెందిన అపెక్స్‌ ఆస్పత్రి యజమాని వెంకటేశం, జ్యోతి దంపతుల రెండో కుమారుడు శివదత్తు (25) కూడా.. వైద్య విద్య అభ్యసించేందుకు ఈ ఏడాది జనవరిలో అమెరికా వెళ్లాడు. సెయింట్‌ లూయిస్‌ వర్సిటీలో డెంటల్‌ ఎంఎస్‌ విద్య అభ్యసిస్తున్నాడు.
ఉన్నత విద్య కోసం విదేశాలు వెళ్లిన కుమారులు.. పట్టభద్రులై ఇంటికి తిరిగి వస్తారని గంపెడు ఆశలతో ఎదురు చూస్తున్న తల్లిదండ్రులకు.. ఊహించని రీతిలో మరణ వార్త వినిపించటంతో గుండెలవిసేలా రోధిస్తున్నారు. ఈ వార్త తెలిసి.. ఆ విద్యార్థుల కుటుంబాల్లో విషాద ఛాయలు అలుముకున్నాయి. కాగా.. తెలంగాణ మంత్రి కేటీఆర్ ఈ దుర్ఘటనపై స్పందించారు. మృత దేహాలను వీలైనంత త్వరగా స్వగ్రామాలకు తీసుకురావడానికి బాధిత కుటుంబాలకు సహాయం చేయాలని తన కార్యాలయానికి సూచించారు.
ఉన్నత విద్య కోసం విదేశాలు వెళ్లిన కుమారులు.. పట్టభద్రులై ఇంటికి తిరిగి వస్తారని గంపెడు ఆశలతో ఎదురు చూస్తున్న తల్లిదండ్రులకు.. ఊహించని రీతిలో మరణ వార్త వినిపించటంతో గుండెలవిసేలా రోధిస్తున్నారు. ఈ వార్త తెలిసి.. ఆ విద్యార్థుల కుటుంబాల్లో విషాద ఛాయలు అలుముకున్నాయి. కాగా.. తెలంగాణ మంత్రి కేటీఆర్ ఈ దుర్ఘటనపై స్పందించారు. మృత దేహాలను వీలైనంత త్వరగా స్వగ్రామాలకు తీసుకురావడానికి బాధిత కుటుంబాలకు సహాయం చేయాలని తన కార్యాలయానికి సూచించారు.
- Read More Telangana News and Telugu News