Hyderabad: లిఫ్ట్‌లో ఇరుక్కున్న అన్నదమ్ములు

హైదరాబాద్‌లో అన్నదమ్ములు లిఫ్ట్‌లో ఇరుక్కున్న ఘటన కలకలంరేపింది. నాంపల్లిలోని ఓ అపార్ట్‌మెంట్‌లో నివాసం ఉండే అన్నదమ్ములు ఆదివారం రాత్రి సొంత పనిమీద బయటకు వెళ్లి.. తిరిగి వచ్చారు. లిఫ్ట్‌లో ఎక్కి పైకి వెళుతుండగా.. లిఫ్ట్ ఆగిపోయింది. దీంతో ఏం చేయాలో వారికి అర్థం కాలేదు. కొద్దిసేపటి తర్వాత ఆ అపార్ట్‌మెంట్‌లో నివాసం ఉండే కొందరు గమనించారు.

అపార్ట్‌మెంట్‌వాసులు వెంటనే పోలీసులకు సమాచారం ఇచ్చారు. వెంటనే వారు అగ్నిమాపక సిబ్బందికి సమాచారం అందించడంతో వెంటనే రంగంలోకి దిగారు. లిఫ్ట్‌ డోర్‌ను చాకచక్యంగా ఓపెన్ అన్నదమ్ముల్ని సురక్షితంగా బయటకు తీశారు. దీంతో అందరూ ఊపిరి పీల్చుకున్నారు.

లిఫ్ట్‌ ఇరుక్కుపోయిన అన్నదమ్ముల్లో మూడేళ్ల బాలుడు కూడా ఉన్నాడు. దీంతో ఆ బాలుడు కాస్త ఊపిరి తీసుకోవాడానికి ఇబ్బంది పట్టాడు. వారికి ఎలాంటి ఇబ్బంది లేదని తెలియడంతో కుటుంబ సభ్యులు కూడా ఊపిరి పీల్చుకున్నారు. సాంకేతిక లోపంతోనే లిఫ్ట్ నిలిచిపోయినట్లు తెలుస్తోంది. అలాగే అన్నదమ్ముల్ని కాపాడిన అగ్నిమాపక సిబ్బందిని అపార్ట్‌మెంట్‌వాసులు అభినందించారు.