కరీంనగర్‌లో ‘కొత్త వైరస్’ అంటూ కరపత్రాలు.. ఎవరి గురించో తెలిస్తే షాక్

కరీంనగర్‌ జిల్లాలో ‘కొత్త వైరస్’ ఒకటి పుట్టుకొచ్చింది. కాకపోతే ఇది నిజమైన వైరస్ కాదు. ఓ ప్రభుత్వ అధికారి విపరీతంగా అవినీతికి పాల్పడుతున్నారని ఆరోపిస్తూ అతను వైరస్ అని జనం ఇలా ప్రచారం చేస్తున్నారు. దీనికి సంబంధించి ఏకంగా కర పత్రాలు ముద్రించి సైతం పంచుతున్నారు. దీన్నిబట్టి సదరు అవినీతి బాగోతం ఏ స్థాయిలో ఉందో అర్థం చేసుకోవచ్చు. కరీంనగర్ జిల్లా గన్నేరువరం మండలంలో ఈ పరిణామం చోటు చేసుకుంది. Must Read: undefined

మండలంలో కరోనా వైరస్ కంటే రెవెన్యూ శాఖలో ఉన్న వైరస్ ఇంకా ప్రమాదం అని అందులో నయాబ్ కమృద్దీన్ అనే తహసీల్దార్ బాధితులం అని ఆరోపిస్తూ మండలంలోని వివిధ గ్రామాల్లో గుర్తుతెలియని వ్యక్తులు కరపత్రాలను ఇంటింటికి పంచుతున్నారు. దీంతో గన్నేరువరం మండలంలోని రెవెన్యూ అధికారి బాగోతం ఇప్పుడు హాట్ టాపిక్‌గా మారింది. తెలంగాణ రాష్ట్ర ప్రభుత్వం ఎంతో ప్రతిష్ఠాత్మకంగా చేపట్టిన భూ ప్రక్షాళన సమయంలో రైతుల సమస్యలను పరిష్కరించాల్సి ఉండగా లంచాలకు అలవాటు పడ్డారని బాధితులు ఆరోపిస్తున్నారు.
గన్నేరువరం మండలంలో ఈ కరపత్రాల వ్యవహారం సోషల్ మీడియాలో వైరల్ అవుతోంది. అయినా, రెవెన్యూ అధికారులు దీనిపై ఎలాంటి ఫిర్యాదు చేయకపోవడం విశేషం. దీంతో ఈ వ్యవహారాన్ని తాము విచారణ జరిపి దీనికి కారణమైన గుర్తుతెలియని వ్యక్తులను పట్టుకుంటామని పోలీసులు వెల్లడించారు. Don't Miss: undefined