హైదరాబాద్‌లో గణపతి లడ్డూ చోరీ.. సీసీటీవీ కెమెరాలో రికార్డు

హైదరాబాద్‌లో దొంగలు ఓ వస్తువు చోరీకి పాల్పడడం ఆశ్చర్యం కలిగిస్తోంది. ఆఖరికి వినాయక మండపంలోని లడ్డూలను సైతం వారు వదలడం లేదు. రంగారెడ్డి జిల్లాలో వినాయక మండపంలో ఓ లడ్డూ చోరీ జరగడం ఆశ్చర్యానికి గురి చేస్తోంది. నార్సింగ్ పోలీస్ స్టేషన్ పరిధిలోని పుప్పాలగూడ ఫ్రెండ్స్ కాలనీలో స్థానికులు ఓ వినాయకుణ్ని ప్రతిష్ఠించారు. ఆ వినాయక మండపంలో గణపతి విగ్రహం వద్ద ఉంచిన లడ్డూ ఇప్పుడు కనిపించడం లేదని స్థానికులు ఆరోపిస్తున్నారు. కొంత దుండగులు ద్విచక్రవాహనంపై వచ్చి గణపతి వద్ద లడ్డూను ఎత్తుకెళ్లినట్లు స్థానికులు చెబుతున్నారు.

కొంత మంది ముసుకు వేసుకున్న వ్యక్తులు రావడం ఆ కాలనీలోని సీసీటీవీ కెమెరాలో రికార్డయిందని వారు వెల్లడించారు. వారు తిరిగి వెళ్లే క్రమంలో గణపతి లడ్డూను దొంగిలించి తీసుకెళ్తున్నట్లుగా సీసీటీవీ కెమెరాల్లో దృశ్యాలు ఉన్నాయని వెల్లడించారు. ఈ వ్యవహారంపై స్థానికులు పోలీసులకు ఫిర్యాదు చేశారు.