తెలంగాణ ప్రభుత్వం ప్రతిష్ఠాత్మకంగా నిర్మించిన కాళేశ్వరం ప్రాజెక్టు(kaleshwaram project)పై విమర్శలు వెల్లువెత్తుతున్నాయి. ఇటీవల వచ్చిన గోదావరి వరదల్లో కాళేశ్వరం ప్రాజెక్టుకు చెందిన మోటార్లు మునిగిపోవడంతో రూ.వందల కోట్ల నష్టం వాటిల్లినట్లు ప్రచారం జరుగుతోంది. అయితే అక్కడ పరిస్థితిని చూసేందుకు విపక్షాలు ప్రయత్నిస్తుండగా ప్రభుత్వం పోలీసుల సాయంతో అడ్డుకుంటోంది. తాజాగా కాళేశ్వరం వద్ద 144 సెక్షన్ అమల్లోకి తెచ్చి అటువైపు ఎవరు వెళ్లినా అరెస్టులు చేస్తున్నారు. కాళేశ్వరం ప్రాజెక్టు కల్వకుంట్ల కుటుంబానికి ఏటీఎంలా మారిందని బీజేపీ ఎప్పటినుంచే ఆరోపిస్తున్న సంగతి తెలిసిందే.
ఈ నేపథ్యంలోనే కేంద్ర జలశక్తి శాఖ మంత్రి గజేంద్ర సింగ్ షెకావత్(gajendra singh shekhawat) కాళేశ్వరం ప్రాజెక్టుపై సంచలన ఆరోపణలు చేశారు. కాళేశ్వరాన్ని తెలంగాణ ప్రజల డ్రీమ్ ప్రాజెక్ట్ అంటూ సీఎం కేసీఆర్ అందరినీ మోసం చేస్తున్నారని విమర్శించారు. ఈ ప్రాజెక్ట్ విషయంలో అవినీతి హద్దులు దాటిందని ఆరోపించారు. వరదల కారణంగా మూడు పంప్‌హౌసులు మునిగిపోయాయని, వాటిని సరైన పద్ధతిలో అమర్చకపోవడం వల్లే ఈ దుస్థితి తలెత్తిందని పేర్కొన్నారు. అసలు కాళేశ్వరం ప్రాజెక్ట్ డిజైన్ నుంచే అవినీతి మొదలైందని, ఇప్పుడు పంపుల రిపేర్లలోనూ అవినీతికి ఆస్కారం ఉండొచ్చని అనుమానం వ్యక్తంచేశారు. మోటార్లు బిగించిన సంస్థకు టెక్నికల్ సామర్థ్యం లేకపోయినా కమిషన్ల కోసం దానికే అప్పగించారని ఆరోపించారు. గజేంద్రసింగ్ షెకావత్.. కొద్దిరోజుల క్రితం కూడా కాళేశ్వరం ప్రాజెక్టుపై ఆరోపణలు గుప్పించారు. కాళేశ్వరం ప్రాజెక్ట్ రాంగ్ డిజైన్ అని, ఇంజినీరింగ్ లోపంతోనే పంప్‌హౌసులు మునిగాయని తెలిపారు. కమిషన్ల కోసమే ఆ ప్రాజెక్టును నిర్మించారని ఆరోపించారు.
ఈ నేపథ్యంలోనే కేంద్ర జలశక్తి శాఖ మంత్రి గజేంద్ర సింగ్ షెకావత్(gajendra singh shekhawat) కాళేశ్వరం ప్రాజెక్టుపై సంచలన ఆరోపణలు చేశారు. కాళేశ్వరాన్ని తెలంగాణ ప్రజల డ్రీమ్ ప్రాజెక్ట్ అంటూ సీఎం కేసీఆర్ అందరినీ మోసం చేస్తున్నారని విమర్శించారు. ఈ ప్రాజెక్ట్ విషయంలో అవినీతి హద్దులు దాటిందని ఆరోపించారు. వరదల కారణంగా మూడు పంప్‌హౌసులు మునిగిపోయాయని, వాటిని సరైన పద్ధతిలో అమర్చకపోవడం వల్లే ఈ దుస్థితి తలెత్తిందని పేర్కొన్నారు. అసలు కాళేశ్వరం ప్రాజెక్ట్ డిజైన్ నుంచే అవినీతి మొదలైందని, ఇప్పుడు పంపుల రిపేర్లలోనూ అవినీతికి ఆస్కారం ఉండొచ్చని అనుమానం వ్యక్తంచేశారు. మోటార్లు బిగించిన సంస్థకు టెక్నికల్ సామర్థ్యం లేకపోయినా కమిషన్ల కోసం దానికే అప్పగించారని ఆరోపించారు. గజేంద్రసింగ్ షెకావత్.. కొద్దిరోజుల క్రితం కూడా కాళేశ్వరం ప్రాజెక్టుపై ఆరోపణలు గుప్పించారు. కాళేశ్వరం ప్రాజెక్ట్ రాంగ్ డిజైన్ అని, ఇంజినీరింగ్ లోపంతోనే పంప్‌హౌసులు మునిగాయని తెలిపారు. కమిషన్ల కోసమే ఆ ప్రాజెక్టును నిర్మించారని ఆరోపించారు.