పోలీసులకు కొణిదెల ఉపాసన పాఠాలు.. వైరల్ అవుతున్న పోస్ట్

ఆరోగ్యానికి సంబంధించిన సూచనలు ఇవ్వడంలో అపోలో లైఫ్ వైస్ ఛైర్ పర్సన్, రామ్ చరణ్ భార్య ఉపాసన ఎప్పుడూ ముందుంటారు. ఆమె అపోలో హాస్పిటల్స్‌కు సంబంధించిన బీ-పాజిటివ్ మ్యాగజైన్‌కు ఎడిటర్ కూడా. దీని ద్వారా మెరుగైన ఆర్యోగ్యానికి సంబంధించిన విషయాలు పంచుకుంటుంటారు. సామాజిక మాధ్యమాల వేదికగా పలువురు సినీ ప్రముఖుల లైఫ్‌స్టైల్, ఆహారపు అలవాట్లను తన ఫాలోవర్లకు పరిచయం చేస్తుంటారు.

అయితే, ఉపాసన తాజాగా తెలంగాణ పోలీసుల కోసం యోగా పాఠాలు నేర్పే ఓ కార్యక్రమం ఏర్పాటు చేశారు. అపోలో హాస్పిటల్స్ సహకారంతో ఏర్పాటు చేసిన ఈ కార్యక్రమంలో ప్రముఖ యోగా నిపుణుడు ఎడ్డీ స్టెర్న్ ఆధ్వర్యంలో పోలీసులకు యోగాసనాలు నేర్పించారు. నిరంతరం ప్రజా సేవలో ఉండే పోలీసులు మానసికంగా, శారీరకంగా ధృడంగా ఉండాలని చాటే లక్ష్యంతో ఈ ప్రత్యేక కార్యక్రమాన్ని ఏర్పాటు చేశారు.

Also Read: లారీ నుంచి కింద పడి క్లీనర్ మృతి.. గమనించకుండా పోయిన డ్రైవర్

ఈ యోగా కార్యక్రమంలో హైదరాబాద్ పోలీస్ కమిషనర్ అంజనీ కుమార్ కూడా పాల్గొన్నారు. దీనికి సంబంధించిన వీడియోను ఉపాసన తన ఇన్‌స్టాగ్రామ్ ఖాతాలో తన ఫాలోవర్లతో పంచుకున్నారు. తెలంగాణ పోలీసులు ఎల్లప్పుడూ ఆరోగ్యవంతంగా ఉండాలని ఆమె చెప్పారు. మానసిక, శారీరక ఒత్తిడిలోనూ ప్రజలకు సేవ చేస్తున్న తెలంగాణ పోలీసుల కోసం ఈ యోగా శిబిరాన్ని ఏర్పాటు చేయడం గొప్ప గౌరవంగా భావిస్తున్నట్లు అభిప్రాయపడ్డారు.

Must Read: కరోనా ఎఫెక్ట్: రాష్ట్రంలో విద్యుత్ రంగానికి తీవ్ర ఇబ్బందులు

https://www.instagram.com/p/B8p1Zzhlye0/?utm_source=ig_embedhttps://www.instagram.com/p/B8p1Zzhlye0/?utm_source=ig_embed&utm_campaign=loading
Also Read: సీఏఏతో ఎవరికి నష్టమో చెప్పండి.. కిషన్ రెడ్డి సూటి ప్రశ్న

Also Read: పంజాగుట్టలో దొంగల హల్‌చల్.. తలపై సుత్తితో మోది చోరీ