KCR పై విజయశాంతి అదిరిపోయే సెటైర్.. మరీ సినిమాలో ఆయనతో పోల్చేశారేంటి?
Telangana BJP: ‘‘కేసీఆర్ గారి వాసాలమర్రి కథ ‘వెర్రి తగ్గింది, రోకలి నెత్తికి చుట్టుండ్రి...’ అన్న తీరుగుంది. ఎప్పట్నుండో చెబ్తున్న అంకాపూర్ ముచ్చట మల్లా షురు చేసిన్రు.’’ అని విజయశాంతి కేసీఆర్ను ఉద్దేశిస్తూ ఎద్దేవా చేశారు.
Samayam Telugu 24 Jun 2021, 4:15 pm
ప్రధానాంశాలు:
- కేసీఆర్ తీరుపై విజయశాంతి ఎద్దేవా
- కోటా శ్రీనివాసరావుతో పోల్చి..
- వాసాలమర్రి పర్యటన రాములమ్మ స్పందన
బీజేపీ నాయకురాలు, టీఆర్ఎస్ మాజీ ఎంపీ విజయశాంతి ముఖ్యమంత్రి కేసీఆర్ను తనదైన శైలిలో ఎద్దేవా చేశారు. ఇటీవలి ఆయన వాసాలమర్రి పర్యటనపై ఆమె స్పందించారు. ఇలా పల్లెలు తిరగడం వల్ల ప్రయోజనం ఏమీ లేదని కొట్టిపారేశారు. గతంలో వరంగల్, మెదక్ జిల్లాల్లో కూడా ఇలాంటి హామీలిచ్చే కేసీఆర్ ఏమీ చేయలేదని విమర్శించారు. సినిమా డైలాగులతో కేసీఆర్ను తీవ్ర స్థాయిలో విజయశాంతి ఎద్దేవా చేస్తూ స్పందించారు. ఫేస్బుక్, ట్విటర్లలో ఆమె పోస్టులు చేశారు. ‘‘కేసీఆర్ గారి వాసాలమర్రి కథ ‘వెర్రి తగ్గింది, రోకలి నెత్తికి చుట్టుండ్రి...’ అన్న తీరుగుంది. ఎప్పట్నుండో చెబ్తున్న అంకాపూర్ ముచ్చట మల్లా షురు చేసిన్రు. ఇంతకుముందు ఉమ్మడి వరంగల్, మెదక్ జిల్లాల్లో కూడా ఇదే లెక్క అంకాపూర్ గురించి డెవలప్మెంట్ మాటలు విన్నాం. ఇప్పటి ప్రగతి ఆ ఊర్లలో ఏమిటో ఈ టోపీ మాటల సీఎం గారు చెప్పాలి. అదేదో సినిమాలో కోటా గారి కోడి కథ లెక్కుంది. కేసీఆర్ గారి అంకాపూర్ కహానీ.
అయినా ఎక్కడో ఒక ఊరుకెల్లి, జైపూర్ బావర్చి అంటూ హడావుడి చేసి, పిచ్చిమాటలు ప్రసంగించి వాపస్ వస్తే తెలంగాణ పల్లెలన్నీ అభివృద్ధి అయితాయా? అదే మీరు చెప్పిన పల్లె ప్రగతి, పట్టణ ప్రగతి పర్యవేక్షణ అవుతుందా? హంగామా, అరెస్టులు, ప్రచార పటాటోపం తప్ప ఈ సీఎం గారి కార్యక్రమాల వల్ల మరో ప్రయోజనం లేదు.’’ అని విజయశాంతి ఎద్దేవా చేశారు.
అయినా ఎక్కడో ఒక ఊరుకెల్లి, జైపూర్ బావర్చి అంటూ హడావుడి చేసి, పిచ్చిమాటలు ప్రసంగించి వాపస్ వస్తే తెలంగాణ పల్లెలన్నీ అభివృద్ధి అయితాయా? అదే మీరు చెప్పిన పల్లె ప్రగతి, పట్టణ ప్రగతి పర్యవేక్షణ అవుతుందా? హంగామా, అరెస్టులు, ప్రచార పటాటోపం తప్ప ఈ సీఎం గారి కార్యక్రమాల వల్ల మరో ప్రయోజనం లేదు.’’ అని విజయశాంతి ఎద్దేవా చేశారు.